"Bu arzu bir çoxlarına əlçatmaz görünür, fəqət, bunun uğrunda qətiyyətlə, inadla və həvəslə mücadilə etsəniz bütün maneələrə sinə gərəcəksiniz..."

 

Planetin ən gözəl qızının adı açıqlanıb

 

Salvadorda 72-ci "Dünya gözəli-2023" Beynəlxalq Gözəllik Müsabiqəsi başa çatıb.

 

Planetin ən gözəl qızı Nikaraquadan olan 23 yaşlı Şeynis Palasios seçilib.

 

Moderator.az xəbər verir ki, bu barədə müsabiqənin rəsmi "İnstagram" səhifəsində məlumat verilib. Məlumatı "kaktus.media" nəşri yayıb.

 

İkinci yerdə Tailanddan olan Antoniya Porsild, üçüncü yerdə Avstraliyadan olan Morayya Uilson qərarlaşıb.

 

Dördüncü və beşinci yerləri Puerto-Riko və Kolumbiyadan olan qızlar tutub.

 

Şeynis Palasios model, teleaparıcı və idmançıdır. O, 2000-ci ildə Manaquada anadan olub. 2016-cı ildən gözəllik müsabiqələrində iştirak edir. O zaman "Nikaraquanın yeniyetmə gözəli-2016" adını qazanıb.

 

Həmçinin "Nikaraqua gözəli-2020" və "Dünya gözəli-2021" adlarını qazanaraq 40 top-modelin sırasına daxil edilib.

 

2023-cü ilin avqustunda Palasios "Nikaraqua gözəli-2023" titulunu qazanıb, bu da ona "Dünya gözəli" müsabiqəsində iştirak etməyə imkan verib.

 

Dünyanın ən gözəl qızı adı uğrunda planetin müxtəlif guşələrindən 84 qız mübarizə aparıb.

 

Bu il müsabiqə qeyri-adi olub, 2022-ci ilin avqustunda zamanla ayaqlaşmağa səy göstərmək üçün iştirakçılar üçün tələblər yumşaldılıb.

 

Ona görə də tarixdə ilk dəfə olaraq "Dünya gözəli"nin səhnəsinə övladları olan və plyus-sayz modellər də qatılıb.

 

Şeyniz Palasios Mərkəzi Amerika Universitetini "Kütləvi kommunikasiyalar" ixtisası üzrə bitirib. O, teleaparıcı və modeldir, etiraf edir ki, ən çox çəkilməyi, redaktə etməyi və video prodüserliyi xoşlayır.

 

Palasios fəxr edir ki, təhsilini başa vurub diplom əldə edə bilib. Çünki təhsil müddətində onda güclü panik tutmalar başlayıb.

 

Lakin o, bunun öhdəsindən gəlməyi bacarıb və mental sağlamlığında problemləri olan başqa qızlara kömək etmək qərarına gəlib.

 

"Dünya gözəli" müsabiqəsinin final mərhələsində Palasiosdan bir il müddətində hansı qadına bənzəmək istədiyi soruşulub. O, XVIII əsrin ingilis yazıçısı və mütəfəkkiri Meri Uolstonkraftı seçib.

 

Qız hesab edir ki, məhz bu tarixi şəxsiyyət qadınlara  mübarizə apararaq kişilərlə bərabər hüquqlar əldə etməyə kömək edib, buna görə ona son dərəcə minnətdardır.

 

Finaldan bir neçə saat öncə Şeynnis Palasios sosial şəbəkələrdə belə post dərc edib:

 

"Bu axşamı mən bətnimdə olan körpəmə və bu arzunun hətta bunun üçün səmanın son hədd olacağına rəğmən gerçəkləşməsini istəyən hər bir qıza həsr edirəm. Bu arzu o qədər böyükdür ki, insanlar onun həyata keçiriləcəyinə inanmır. 

 

Lakin məhz bu arzularla sizə aydın olur ki, sizin arzularınız və məqsədləriniz mümkün maneələdən xeyli güclüdür, yetər ki, bunun uğrunda qətiyyətlə, inadla və həvəslə mücadilə edəsiniz".