Bunu Moderator.az-a açıqlamasında mərhum bəstəkar Tahir Əkbərin xanımı Aybəniz Əkbərova deyib. O daha sonra əlavə edib.

 

“Bütün bu prosseslərdən sonra Zeynəb Xanlarova ilə Tahir Əkbərin yaxın dostluğu başlayır. Hətta o qədər yaxın olurlar ki, Zeynəb xanımın bir problemi olanda ondan məsləhətlər alır. Sonradan isə bu işbirliyindən “Gərəksən mənə”, “Heyfim gəldi”, “Nə söyləyim nə yazım?” mahnıları ərsəyə gəlir. Tahir Əkbər sıradan bir bəstəkar olmayıb. Zeynəb xanımın həyat yoldaşı rəhmətə gedəndə Tahir baş sağlığına getmişdi. Danışırdı ki, orada Zeynəb xanım məni görmək istədiyini bildirəndə yuxarı çıxıb onunla görüşdüm, başsağlığı verdim. Tahir Əkbər ağır xəstə idi. Bu xəbəri bütün saytlar yazırdı. Hətta dövlətin də diqqətində idi Tahirin səhhəti. Sonra Tahir dünyasını dəyişdi. Amma Zeynəb Xanlarova bir dəfə maraqlanmadı. Rəhmətə gedəndə bir başsağlığı belə vermədi. Bu bizim üçün çox ağrılı, təsirli bir hadisə idi. Zeynəb xanımın bütün mahnıları yaddaqalandır, amma Tahir Əkbərin şəxsən ona bəstələdiyi mahnıları dillər əzbəridir. Hətta yazırlar ki, “Zeynəb Xanlarovanın mahnıları”. Tahir Əkbər o vəziyyətdə dəfn olunanda deputatlar belə danışdılar. O dönəmlərdə ətrafımızda Aybəniz Haşımova ilə Firuzə İbadovanı gördük. Heç bir müğənni səsini çıxarmadı. Başda da Zeynəb Xanlarova. Biri demədi ki, niyə Tahir Əkbəri zibillikdə dəfn etdiniz?! Əslində isə buna ilk iradı elə Zeynəb Xanlarova bildirməli idi. Zeynəb Xanlarovanın ifa etdiyi Tahir Əkbər bəstələri bu gün qarşımıza çıxanda o qabar bir az da dərinləşir. Zeynəb Xanlarovaya Allah can sağlığı versin, o bizim korifeyimizdir, Azərbaycanı dünyada təmsil edib. Amma ən azından Tahir Əkbərə onun bir vəfa borcu var idi” deyə bəstəkarın xanımı bildirib.