Kanada parlamentinin spikeri Entoni Rota vəzifəsindən istefa verib. Bu, Ukrayna prezidenti Vladimir Zelenskinin Kanadaya səfəri zamanı parlamentdə CC veteranı ilə bağlı insidentdən sonra baş verib.

 

Moderator.az xəbər verir ki, bu barədə "svoboda.org" nəşri məlumat yayıb.

 

Ukrayna prezidenti BMT Baş Assambleyasının Nyu-Yorkda keçirilən 78-ci sessiyasından sonra Kanadaya səfərə yollanıb. Torontoda o, İsmalar Palatasını ziyarət edib və orada nitq söyləyib. 

 

Yüksək vəzifəli qonağa xoş gəlmək üçün parlamentin spikeri Entoni Rota Birinci Ukrayna diviziyasının tərkibində döyüşmüş Kanada və Ukrayna veteranı kimi təqdim edilən 98 yaşlı veteran Yaroslav Qunkanı dəvət etmək qərarına gəlib.

 

Rota veteranı Zelenskinin nitqindən dərhal sonra təqdim edib. Qunka iclas zalında olan siyasətçilərin-deputatlar, Zelenski və Kanadanın baş naziri Castin Trüdonun alqışları ilə qarşılanıb. Spiker veteranı "xidmətinə görə minnətdar olduğumuz Ukrayna və Kanada qəhrəmanı" adlandırıb.

 

Baş verənlər geniş ictimaiyyətə bəlli olduqdan sonra qalmaqal yaranıb. Məsələ burasındadır ki, Birinci Ukrayna diviziyası həm də "Vaffen-CC Qaliçina", yaxud "Baffen CC 14-cü diviziya" könüllü bölməsi kimi tanınır. 

 

"Kanadanın Simon Vizentalın dostları Mərkəzi" təşkilatının məlumatına görə, bu bölmə Xolokost zamanı kütləvi qətllər və insanlığa qarşı cinayətlərə görə məsuliyyət daşıyır.

 

Beləliklə, Kanada parlamentində hətta "Vikipediya"da haqqında ayrıca məlumat olan CC veteranı xidmətinə görə alqışlar və munnətdarlığa layiq görülüb.

 

"Kanadanın Simon Vizentalın dostları Mərkəzi"ndə bu insident şokedici və son dərəcə həyəcan doğuran adlandırılıb.

 

"Xolokostu yaşamış hər kəs, İkinci dünya savaşında nasistlərlə döyüşən hər bir veteran bu davranışa görə üzrxahlığa layiqdir. Hər şeydən əlavə, bu adamın Kanada parlamentinin müqəddəs zalına necə daxil olduğu, hörmətlə qarşılandığı və İcmalar Palatasının spikeri tərəfindən necə təqdim olunduğununa aydınlıq gətirilməlidir", - təşkilat qeyd edib.

 

Kanadanın "Bney-brit" yəhudi təşkilatının baş direktoru Maykl Mostin bu insidenti hiddət doğuran adlandırıb.

 

O, bəyan edib ki, "Qaliçina" diviziyasına könüllü daxil olan Ukrayna "ultramillətçiləri" "etnik cəhətdən yekcinsli Ukrayna dövlətini arzulayıb və soyqırım ideyasına dəstək verib".

 

Bazar günü Entoni Rota ictimaiyyətin səsinə səs verərək, bu insidentə görə üzrxahlıq edib. O, günahı öz üzərinə götürüb. 

 

"Ukrayna prezidentinin müraciətindən sonra mən qalereyada olan adamı göstərdim. Soradan əlavə məlumatlar üzə çıxdı və bu, məni öz qərarıma görə təəssüf hissi keçirməyə vadar etdi ", - Kanada parlamentinin spikeri bəyan edib.

 

Entoni Rota izah edib ki, Qunka onun qonşusudur. Spiker onun haqqında yalnız onu bilib ki, o, İkinci dünya savaşının veteranıdır və əslən Ukraynadadır.

 

"Mən Kanada və bütün dünyadakı yəhudi icmaları qarşısında dərin üzrxahlıq etmək istəyirəm. Mən öz hərəkətlərimə görə tamamilə məsuliyyət daşıyiram", - Entoni Rota deyib.

 

Kanadanın baş naziri Castin Trüdo ictimai tənqidə münasibət bildirməyə məcbur olub. "Bu, düzgün qərardır, - baş nazir Rotanın üzrxahlığını şərh edib. - Nə baş nazirin dəftərxanası, nə Ukrayna nümayəndə heyəti veteranın dəvət ediləcəyi barədə əvvəlcədən məlumatlandırılmayıb".

 

Baş nazirin reaksiyası Kanada müxalifətini o qədər də qane etməyib. "Trüdonun protokol şöbəsi bütün qonaqların yoxlanılmasına və bu qəbildən olan dövlət səfərlərinin proqramlarının tərtib olunmasının təşkilinə görə cavabdehdir", - Mühafizəkarlar Partiyasının lideri Pyer Pualyevr bəyan edib. O, Kanada baş nazirinin şəxsən üzrzahlıq etməsinə çağırış edib.

 

Dünən Yaroslav Xankanın şərəfləndirilməsinə görə Polşa da üzrxahlıq tələb edib. Bu ölkənin səfiri Vitold Dzelski "Twitter" də yazıb:

 

"Kanada və Ukrayna rəhbərliyi sentyabrın 22-də İcmalar Palatasında "Qaliçina" CC diviziyasının döyüşçüsünə alqış edib, İkinci dünya savaşında bu hərbi birləşmə minlərlə polyak və yəhudilərin qətlinə görə məsuliyyət daşıyır.

 

Polşa Ukraynanın ən yaxşı müttəfiqidir və heç vaxt belə cinayətkarların təmizə çıxarılması ilə razılaşmayacaq! Polşanın Kanadakı səfiri kimi mən üzrxahlıq edilməsini gözləyirəm".

 

Bu arada isə bəlli olub ki, Kanada parlamentinin spikeri baş vermiş insidentlə bağlı istefa verib.

 

Baxmayaraq ki, Rota Qunkanın sadəcə qonşusu olduğunu və onun İkinci dünya savaşında xidmət etməsi barədə məlumatlı olduğunu iddia edib, veteranın parlamentdə təqdim olunmasının xarakteri bunun əksini göstərir.

 

Spiker xatırladıb ki, Qunka "ruslara qarşı Ukraynanın müstəqilliyi uğrunda döyüşüb", bu isə birmənalı olaraq onun hərbi əməliyyatlarda kimin tərəfində iştirak etdiyini birmənalı olaraq göstərir.

 

Bundan başqa, bu insident təkcə Kanada hakimiyyətinin nüfuzuna təsir etməyib, həm də Zelenskinin gəlişini və sabiq ukraynalı "CC"-çinin Qərbin ən böyük ölkələrindən birinin parlamentində şərəfləndirilməsini böyük şövqlə uzlaşdıran  Rusiyanın təbliğat maşınının əlinə işləyib. 

 

Entoni Rotanı nə Kanada, nə Amerika hakimiyyəti, nə onların amerikalı dostları, nə ukraynalıların özləri onlar üçün nüfuz iflası olan bu hadisəni bağışlamayıb. 

 

Spiker qalmaqalın miqyasının genişlənəcəyini anlayaraq doğma Liberal Partiyasına zərər vurmamaq üçün istefa verməyə məcbur olub.