Dünya boyunca milyonlarla insan öz gününə bir fincan ətirli qəhvə ilə başlayır, bu, təkcə ruh yüksəkliyi yaratmır, həm də həzm sistemini stimullaşdırır, onu sürətləndirir və müxtəlif maddələrin mənimsənilməsini yaxşılaşdırır.

 

Bu yazıda biz sağlamlığa zərər vurmamaq üçün antidepressantlardan tutmuş xroniki xəstəliklərdə istifadə edilən dərman preparatlarının qəhvə ilə birgə istifadə edilməməsinin zərurilyindən danışacağıq.

 

Moderator.az xəbər verir ki, bu barədə "Detaly" nəşri yazıb.

 

Qəhvənin dəmirin mənimsənilməsini pozduğunu bilirsinizmi? Məhz buna görə də çoxlu ətli nahar yeməyindən sonra qəhvə və ya qara çaydan istifadədən yan keçmək tövsiyyə edilir.

 

Eyni prinsiplə qəhvə müxtəlif dərman preparatlarının sorulması və fəallığına müsbət və ya mənfi təsir göstərə bilər.

 

 

Son onilliklərdə antidepressantların təyin edilməsi kəskin şəkildə artıb və bu gün bu, 20-30 yaş arasında olan insanlar üçün ən geniş yayılan dərman preparatlarıdır.

 

Bəllidir ki, kofein bəzi antidepressantların, o cümlədən fluvoksamin, amitriptilin, essitalopram və imipramin dərmanlarının absorbsiya qabiliyyətinə təsir edir. 

 

Belə ki, bəzi hallarda kofein bu preparatların orqanizmə sorulan aktiv maddəsinin miqdarını azalda bilər.

 

Digər tərəfdən, tədqiqatlar göstərir ki, fluvoksamin orqanizmin kofeinə reaksiyasını yaxşılaşdıra bilər və onun yuxusuzluq və ürəkdöyünmələrinin artması kimi mümkün yan təsirlərini azalda bilər. 

 

İstənilən halda əgər siz antidepressantlar qəbul edirsinizsə, onların qəbulundan sonra qəhvə içmək üçün ən azı bir saat gözləmək lazımdır və ya bu məsələni peşəkar həkimlə məsləhətləşmək tövsiyyə edilir.

 

 

Kofein ürək ritmini sürətləndirir və qan təzyiqini yüksəldir. Beləliklə, yüksək təzyiq üçün həbləri qəhvə ilə içmək olmaz. Adətən, belə preparatlar ürək döyüntülərinin tezliyini azaldır, yəni onların köməyilə qanı bütün hüceyrələrə vurmaq üçün ürəyə səylə işləmək lazım gəlmir.

 

Qəhvənin bəzi preparatlarla, məsələn, felodipinlə eyni zamanda istifadə edilməsi dərmanın orqanizm tərəfindən sorulmasına neqativ təsir göstərə, beləliklə, onun effektivliyini azalda bilər. 

 

Adətən, bu, həyat üçün təhlükəli deyil, lakin hər halada belə vəziyyətlərdən yan keçmək faydalıdır. Əgər sizin hər hansı şübhələriniz varsa, həkimlə onun istifadə qaydaları barədə məsləhətləşmək faydalı olardı.

 

 

Əgər siz astmadan əziyyət çəkirsiniz və aminofillin və ya teofillin kimi bronxodilyatatorlar qəbul edirsinizsə, bu preparatların orqanizminizə necə təsir etdiyini anlamalısınız. 

 

Bütövlükdə, tərkibində steroidlər olan bu dərmanlar tənəffüs yollarını sakitləşdirir, tənəffüsü asanlaşdırır, lakin onları həm də yan təsirlər, məsələn, baş ağrıları, qarında ağrılar, əsəbilik və həyəcanlılıq törədə bilər.

 

 

Amerika Diabet Assosiasiyasının dərc etdiyi tədqiqatda göstərilir ki, tərkibində kofein olan içkilərdən istifadə edilməsi qanda insulinin və şəkərin artmasına səbəb ola bilər.

 

Lakin bu məsələdə daha miqyaslı araşdırmalar lazımdır. Əgər siz qəhvəni süd və şəkərlə içirsinizsə, qanda şəkərin miqdarını daha da artıra bilərsiniz və bu göstəricinin normaya salınması üçün dərmanların təsirini çətinləşdirə bilər.

 

 

Bəzi hallarda bu dərmanların tərkibində steroidlər və ya psevdoefedrin hidroxlorid kimi komponentlər ola bilər, bu da mərkəzi sinir sisteminin aktivliyini yüksəldə bilər.

 

Belə dərmanları qəhvə iıə birgə istifadə etdikdə, mərkəzi sinir sisteminə daha güclü təsir edəcək. Beləliklə, yan təsirlərin, o cümlədən həyəcan, əsəbilik və yuxu ilə bağlı problemlərin yayılma riski artacaq. Ona görə də bu dərmanlardan istifadə edirsinizsə, həkimlə məsləhətləşmək lazımdır.

 

Healthy Walla