Latviya hakimiyyəti ölkədə oturumu olan rusiyalıların kütləvi deportasiyasını planlaşdırır. 

 

Moderator.az xəbət verir ki, bu barəfə "Delfi" nəşri yazıb. Məlumatı "russian.rt.com" nəşri yayıb.

 

Məlumatda deyilir ki, gələn həftə Rusiya pasportuna malik olan təxminən 3600 nəfərə Latviyanı 90 gün ərzində tərk etməli olduğu barədə  xəbərdarlıq ediləcək.

 

Bu tədbir latış dilindən imtahan verməyən və hətta bu barədə sorğu təqdim etməyən rusiyalılara qarşı yönələcək.

 

Sentyabrın əvvəli Latviyada yaşayan Rusiya vətəndaşlarının latış dilindən imtahan verməsi və ya oturumunu itirməsi üçün son müddət olub.

 

Bu həftə Latviya Seymi əksəriyyət səs çoxluğu ilə dil imtahanından keçməyənlərin ölkədə olma müddətini uzadıb. 

 

Onlar üçün iki illik keçid dövrü nəzərdə tutulub, bu müddətdən sonra bir daha imtahan vermək mümkün olacaq.

 

Lakin bu, yalnız latış dilindən imtahan verməyə heç olmasa cəhd edənlərə aiddir.

 

Bəlli olub ki, Latviyada oturumu olan minlərlə rusiyalı ümumiyyətlə dil testindən keçmək üçün yazılmayıb və ənənəvi olaraq bunun ötəri olduğuna ümid edib.

 

"Bu 90 gün bir çoxları nə etmək barədə təlaş keçirəcək. Bizə çoxsaylı zənglər gəlir, guya, anam deyib ki, hər şeyi edəcək, heç demə, o, heç nə etməyib, adam hətta imtahan verməyə belə getməyib.

 

Daha bir kateqoriya hesab edir ki, onlara Konstitusiya Məhkəməsi kömək edəcək. Onlar, əlbəttə ki, uduzub, oturumu itirir", - bunu Latviyanın vətəndaşlıq və miqrasiya işləri üzrə İdarəsinin nümayəndəsi Mayra Roza deyib.

 

Rusiyanın 75 yaşdan yuxarı vətəndaşları Latviya dilindən imtahan verməkdən azaddır.