Şri-Lankada pasiyentin böyrəyindən dünyada ən böyük böyrək daşı çıxarılıb, daş qreypfrut ölçüsündə, uzunluğu banan boyda və çəkisi dörd dağsıçanının çəkisinə bərabərdir.

Moderator.az xəbər verir ki, bu barədə Amerikanın CNN telekanalı məlumat yayıb.

Uzunluğu 13, 37 sm və çəkisi 801 qram olan daşı Şri-Lankada hərbi hospitalın həkimləri iyunun 1-də kişinin böyrəyindən çıxararaq iki dünya rekordu qazanıb.

Ginnesin rekordlar Kitabına görə, ən uzun böyrək daşı (13 sm) 2004-cü ildə Hindistanda, ən ağır böyrək daşı (620 qram) 2008-ci ildə Pakistanda pasiyentlərdən çıxarılıb.

Ginnesin rekordlar Kitabı təsdiq edib ki, hər iki rekord Şri-Lanka həkimləri tərəfindən yenilənib.

Böyrək daşları sidik turşusundan, kalium və natriumdan ibarətdir. Onlar bərkdir, sarı rəngdədir, hamar səthə malikdir. Tərkibində kalsium olmadığından onlar rentgen müayinəsi zamanı görünmür. Diaqnoz USM və sidik analizi əsasında qoyulur.

"Amerikanın "Meyyo" klinikasının məlumatına görə, gündə 2-3 litr maye qəbul edilməsi diametri 3 mm-dək olan kiçik daşları sidik-ifrazat sisteminin yuyulması yolu ilə kənar etməyə kömək edir. Lakin proses çox ağrılıdır. 

Ölcüləri 3 mm-dən çox olan daşlar ciddi cərrahi müdaxilə tələb edir. Müalicə prosesində uroloqlar daşların parçalanması üçün ultrasəs dalğalarından kürəyin aşağı hissəsində  kiçik kəsik aparmaqla tətbiq edir", - CNN izah edib.

Sidikdaşı xəstəliyinin profilaktikası üçün uroloqlar aşağıdakıları tövsiyyə edir:

1) kifayət qədər su içmək;

2) kalsiumla zəngin məhsullar yemək;

3) oksalatla zəngin pəhrizdən çəkinmək (turşəng, cəfəri, ispanaq, lobya, qara bibər, şokolad, qoz, müxtəlif giləmeyvələr);

4) qida rasionunda duzu məhdudlaşdırmaq;

5) şəkərdən az istifadə etmək;

6) qırmızı ətin istifadəsini azaltmaq;

7) sağlam çəkini saxlamaq üçün idmanla məşğul olmaq.