Kuba Karib dənizinin mirvarisi adlandırılan cəlbedici bir adadır. Qapalı ölkə olsa da amma, son illərdə vəziyyət getdikcə yaxşılaşmağa başlayıb, çünki turistlər getdikcə artmaqdadır. Kim bilir, bəlkə bir neçə onillikdən sonra bu ecazkar ada kasıblıqdan qurtulacaq və nəhayət dünya səhnəsində öz layiqli yerini tutacaq?

 

-----Kubanın milli şüarı “Vətən və ölüm”dür. Ölkənin adı İspan müstəmləkəçiləri tərəfindən tamamilə məhv edilmiş "Taino" hinduların dilindəndir. Onların dilindən tərcümədə "Kuba" ya "münbit torpaq", ya da "böyük yer" deməkdir.

 

----15-ci əsrin sonlarında ilk dəfə onun sahillərinə üzən Kolumb bu torpağı əvvəlcə Yaponiya ilə səhv saldı (bəzi mənbələrdə Yaponiyanın Haiti ilə səhv salındığı yazılır), sonra isə İspan şahzadəsinin şərəfinə Xuan adını verdi. 

 

 

-----Kubada mərkəzləşdirilmiş isti su təchizatı yoxdur.Son vaxtlara qədər kubalılara enerjiyə qənaət məqsədi ilə toster və elektrik çaydanı işlətmək qadağan edilmişdi. Hər kubalıya cib telefonu üçün yalnız bir SİM kartın olmasına icazə verilir. 2008-ci ilə qədər cib telefonları ümumiyyətlə qadağan edilmişdi.

 

 

-----Kubalılar yağışı o qədər sevmirlər ki, yağış yağanda uşaqlar çox vaxt məktəbə, böyüklər isə işə getmirlər. Mərkəzi Kuba telekanalları reklam göstərmir. İsti və rütubətli iqlim səbəbindən bir çox Kuba evlərinin pəncərələrində şüşə yoxdur.  Bunun əvəzinə taxta və ya metal pərdələrdən istifadə edirlər: bu şəkildə otaq daha yaxşı havalandırılır. Kubalılar Müqəddəs Məryəmi adalarının himayədarı hesab edirlər.

 

-----Kuba sakinlərinə inək və öküzlərini ət üçün kəsmək qanuni olaraq qadağan edilib, ölmüş heyvanların cəsədləri xüsusi dövlət xidməti tərəfindən götürülür. Qanunu pozanları uzun müddətə həbs cəzası gözləyir. Kubalılar internetə qoşulmaq üçün xüsusi icazə almalıdırlar. Şəbəkəyə icazəsiz qoşulma cəzası 5 il həbsdir. 

 

----Kuba Qərb yarımkürəsində ən aşağı doğum nisbətinə malikdir. Eyni zamanda, abortların sayı rekord həddə çatır. Kuba Coca-Cola soda satmır. Dünyada bu içkinin satılmadığı ikinci dövlət KXDR-dir.  ABŞ Kubadan Quantanamo hərbi dəniz bazasını ildə 4085 dollara icarəyə götürür. 

 

-----Gələcək inqilabçı və Kuba lideri Fidel Kastro hələ uşaq ikən ABŞ prezidenti Franklin Ruzveltə məktub yazıb. Məktubunda oğlan ona 10 dollarlıq əskinas göndərməyi xahiş edib, çünki o, əvvəllər belə pul görməmişdi. Başqa bir ABŞ prezidenti Con Kennedi "azadlıq adası"na embarqo sənədlərini imzalamadan bir neçə saat əvvəl özü üçün 1200 Kuba siqarı alınmışdı. 

 

----1997-ci ilə qədər Papa II İohann Pavel Kubaya səfər edənə qədər adada Milad bayramı rəsmi olaraq qeyd olunmurdu.

 

----Kubalıların maaşları çox aşağıdır. Amma, dövlət vətəndaşlara hər ay zəruri ərzaq məhsullarını almaq üçün kartlara pul yükləyir. Adambaşına ayda 1 litr bitki yağı, 10 yumurta, 2 kq şəkər və düyü, bir az ət, toyuq, balıq və kolbasa ala bilərsiniz.

 

----Milli Kuba mətbəxində İspan, Afrika və Kreol mətbəxinin elementlərini görmək olar. Adada ən məşhur yemək düyü və lobyadır. Lobya, ümumiyyətlə, burada bir çox yeməklərə əlavə olunur. Kubanın milli mətbəxini çətin ki, sağlam adlandırmaq olar, çünki onlar yeməkləri bişirəndə  yağdan çox istifadə edirlər. Burada hətta bananları da yağda qızardırlar. Deyəsən, yerli camaat xolesterin haqqında heç nə eşitməyib.

 

----- Əvvəllər Kubaya səfər edən bütün turistlər yerli gözəllikləri təsvir etməklə yanaşı, adada internetin olmamasından danışırdılar. 2018-ci ilin yanvarından hər şey dəyişdi, 500-ə yaxın ictimai yerdə yüksək sürətli Wi-Fi şəbəkəsi yaradıldı. 

 

----Kuba yaşayan "arı kolibrisi" dünyanın ən kiçik quşudur. Bu quş yanlız Kubada rast gəlinir. Bu kolibrilərin uzunluğu 5,7 santimetrə (quyruğu və dimdiyi ilə) çatır və cəmi iki qram ağırlığındadır. Çiçəklərin üzərində uçan quş saniyədə 90 qanad çırpır. Kiçik ölçülərinə görə arı kolibrisi çox vaxt böcəklə qarışdırılır

 

-----2016-cı ildə Kuba hökuməti kiçik və orta biznesi leqallaşdırdı. Bu islahatlar 500.000 kubalıya özəl sektorda işləməyə imkan verdi. Bundan əlavə, dövlət məktəb yaşlı uşaqların qayğısına qalır: şagirdləri pulsuz forma ilə təmin edir. Kubalılar fəxr edirlər ki, öz ölkələrində tibb və təhsil pulsuzdur. Kubada sahibsiz itlərin şəxsiyyət vəsiqəsi var Kubalılar itləri çox sevirlər. 

 

-----Kuba təbabəti dünyanın ən yaxşılarından biri hesab olunur. Səhiyyə sistemi dövlətin tam nəzarəti altındadır. Ölkə sakinlərinə həkim məsləhətindən tutmuş ən mürəkkəb əməliyyata qədər bütün tibbi xidmət pulsuzdur. Hər il həkim bütün xəstələri müayinə edir, bu da xəstəliklərin ağırlaşmalarının qarşısını alır. Digər ölkələrdən insanlar həkimlərə müraciət etmək üçün adaya gəlirlər. Eyni zamanda, burada müalicənin qiyməti İsrail və ya İsveçrədəki analoji klinikalardan daha ucuzdur.

 

------Kubada bir inəyi və ya öküzü öldürməyə görə 15 ilə, bir adamı öldürməyə görə isə cəmi 10 ilədək həbs cəzası ala bilərsiniz. Adanın bütün mal-qarası dövlətə məxsusdur, ona görə də inək təbii səbəblərdən öləndə bunun üçün polisə müraciət etmək lazımdır.

 

---İstənilən Kuba universitetinə daxil olan abituriyentlər 3 imtahan verməlidirlər: Kuba tarixi, ispan dili və riyaziyyat üzrə biliklərini sübut etməlidirlər. Adada pullu universitetlər və ya özəl məktəblər yoxdur - bütün təhsil pulsuzdur.