Üç il əvvəl qanunsuz məskunlaşdırılğı Laçında tikdirdiyi evi qoyub bu dəfə də Naxçıvanın işğal altındakı Kərki kəndinə gələn Romik Qriqoryan  qaçqınlıq hekayəsinin təkrarlana biləcəyinə təəccüblənmir. Ancaq...

Moderator.az xəbər verir ki, News.am nəşrinin  hazırladığı reportajda belə deyilir.

 

“Romik deyir ki, kənd camaatı təhvil-təslim işinə şübhə ilə yanaşa bilər, ancaq belə şeyi bir dəfə gördüyündən o, hər şeyə hazırdır.

 

Romikin 9 nəfərlik ailəsi kənddəki sonuncu evlərdən birində kirayədə məskunlaşıb. Onun çoxsaylı ailəsi ehtiyaclarını əsasən maldarlıqla təmin etməyə çalışır. Artsaxda evini itirən Romik bu dəfə evini düşmənə verməyəcəyini, sona qədər mübarizə aparacağını deyir”,-  deyə erməni nəşri daha sonra yazır.

 

65 yaşlı Şahen Karapetyan kəndin yaşlı sakinlərindəndir, ömrünün yarısını Kərkidə keçirib. O, bu kəndi Azərbaycan  anklavı hesab etmir, deyir ki, həmişə erməni kəndi olub.

 

“Paşinyan Tiqranaşenin Tavuşun yeddi kəndi ilə birlikdə Azərbaycana veriləcəyi ilə bağlı bəyanatı eşidib, lakin ən pis yuxularında belə Tiqranaşenin təhvil verilməsini təsəvvür etmək istəmir. O, azərbaycanlıları öz kəndində təsəvvür etmir, bir-birindən qopmuş erməni kəndlərini təsəvvür etmir.

 

Mən Nikol Paşinyana güvənirəm, bunun təhvil verilməsi ola bilməz. Mən Nikol Paşinyanı qəbul edirəm, onu sevirəm və hörmət edirəm, oğlum kimi ona inanıram. Amma mən yerimdə qalacağam, heç yerə getməyəcəyəm, ”, - deyə Karapetyan bildirir.

 

“Nikol Paşinyan dünən açıq mətnlə Tiqranaşeni Azərbaycana təhvil verməyə hazır olduğunu bildirsə də, kənd sakinlərinin çoxu hökumətin belə bir addım atacağına inanmır. Hələlik heç bir məmur kənd sakinlərinə baş çəkməyib və onların taleyi ilə bağlı heç bir açıqlama verməyib. Bələdiyyə sədri kəndə getməzdən əvvəl onunla görüş təyin etmədiyimizi əsas gətirərək bizimlə danışmaqdan imtina etdi”- Ermənistan saytının əməkdaşı belə yazır.

 

Zəruri arayış və xatırlatma:

 

 

 

 

 

 

 

 Sultan Laçın