"Baxmut və Avdeyevka rayonunda vəziyyət gərgindir..." - ISW

Bizi sosial şəbəkələrdən izləyin:

"Baxmutda vəziyyət son dərəcə gərgindir, rusiyalı işğalçılar Ukrayna mövqelərinə zərbələri bir an belə zəiflətmir..."

Rusiyalı işğalçılar Avdeyevka-Donetsk xətti boyunca hücum əməliyyatlarını davam edib

Rusiyalı işğalçılar Ukrayna tərəfinin lokal əkshücumları fonunda Baxmutda və onun ətrafında yerüstü hücumlarını davam edib.

Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) yeni hesabatında deyilir.

Analitiklər qeyd edib ki, geolokasiya xəritələrindəki kadrlarda işğalçıların Marşal Tolbuxin və İrina Levçenko küçələri arasında Baxmutun şimal-qərbinə doğru irəliləməsi görünür.

Hesabata görə, "vaqnerçilər" Baxmutda 220 m ərazini ələ keçirib və şəhərin şimal-qərb sektorunda üç əsas möhkəmləndirilmiş rayonuna hücum edir.

Bundan başqa, rusiyalı işğalçılar Avdeyevka-Donetsk xətti boyunca hücum əməliyyatlarını davam edib.

Analitiklər qeyd edib ki, geolokasiya xəritələrindəki kadrlarda Rusiya qoşunlarının Avdeyevkadan cənub-şərqə doğru 2 km irəliləməsi görünür.

Analitiklər qeyd edib ki, təbliğatçı hərbi müxbirlər belə məlumatlar yayır ki, qəsbkarlar Avdeyevkaya cənub-qərbdən şərqə doğru zərbələrin istiqamətini dəyişib və Avdeyevkaya Krutaya Balka rayonundan hücum etməyə cəhd göstərir.

Analitiklər həmçinin qeyd edib ki, son sutka ərzində rusiyalılar Donetskin qərb hissəsinə heç bir yürüstü zərbələr endirməyib.

"Rusiya qüvvələri Uqledar rayonunu atəşə tutub (Donetskdən 30 km cənub-qərbə), lakin yaşayış məntəqəsinə zərbələr endirməyib", - hesabatda deyilir.

Baxmutda vəziyyət

Baxmutda vəziyyət son dərəcə gərgindir. Rusiyalı işğalçılar Ukraynanın mövqelərinə zərbələri bir an belə zəiflətmir.

Bu gün Britaniya kəşfiyyatı Ukrayna Silahlı Qüvvələrinin Baxmut yaxınlığında ən azı bir km ərazini ələ keçirdiyini təsdiq edib.