“Son olaylardan sonra Qarabağdakı ermənilər gələcəkləri haqda daha ciddi düşünməlidir...”

Avropa İttifaqı Rusiya ilə savaşa hazırlaşır: sakinlərə qida və su ehtiyatı yığmaq tövsiyə olundu...

Arif Babayevdən Flora Kərimovaya müraciət: “Sənə borclu qaldım...”-MARAQLI+ÖZƏL+VİDEO

“Valideynlik hüququndan məhrum edilə bilər”- əlilliyi olan şəxs aliment ödəməlidir?-AÇIQLAMA

“Həmin sürücülük vəsiqəsini 1 ay istifadə edə bilərlər”-ARAŞDIRMA+FOTO

"Lukaşenko iki ağadan asılı olan nökərdir" - Leonid Kuçma

"Hizbullah" sınmayıb və İsrailə qarşı mübarizəsini davam etdirəcək" - Naim Qasım

"Belaruslar bizdən daha fəal mübarizə aparıb" - Saakaşvili

"Putin hətta Şimali Koreyanın köməyi ilə də müharibədə qalib gələ bilməyəcək" - Pentaqon rəhbəri

“Son olaylardan sonra Qarabağdakı ermənilər gələcəkləri haqda daha ciddi düşünməlidir...”

Ekskluziv

Oxunub: 3485

17 Apr 2023 | 19:03

“Son olaylardan sonra Qarabağdakı ermənilər gələcəkləri haqda daha ciddi düşünməlidir...”

"Onlar anlamalıdırlar ki, sözün əsil mənasında ortalıqda qalıblar..."

“Köçəryanların, Sərkisyanların Ermənistanda qurduğu “müstəqil” dövlət nəinki II Qarabağ savaşında müzəffər Azərbaycan ordusunun azad etdiyi torpaqlarımızdan çıxan erməniləri, hətta 1988-1992-ci illərdə köçənləri də Ermənistanda hələ normal yaşayış yeri və ərzaqla təmin etməyib...”

“Hesab edirəm ki, Ermənistanda hərbçilərimizə qarşı amansız münasibətdən və İrəvanda beynəlxalq bir idman tədbiri zamanı bayrağımızın yandırılması kimi biabırçı olaydan sonra Azərbaycanın Qarabağ torpağında məskunlaşdırılmış ermənilər gələcəkləri barədə artıq daha ciddi düşünməlidirlər. Həmişə deyildiyi kimi, onların iki yolu var: ya Azərbaycanın ərazi bütövlüyünü, konstitusiyasını qəbul edib torpaqlarımızda digər vətəndaşlarımız kimi qanunlarımıza tabe olaraq dinc, rahat yaşasınlar, ya da gedib Ermənistandakı başını itirmiş rəhbərliyin, gələcəyi bəlli olmayan “dövlət”in tabeliyi altında barbar, vandal xislətli ictimaiyyətlə bir yerdə ömürlərini çürütsünlər”.

Bu fikirləri Moderator.az-a açıqlamasında şəhid Milli Qəhrəman Şirin Mirzəyevin xanımı, Milli Məclisin keçmiş üzvü Flora Qasımova ifadə edib.

“Qarabağdakı ermənilər anlamalıdırlar ki, sözün əsil mənasında ortalıqda qalıblar. Hanı sizə ikinci “dövlət” qurmağa söz verənlər? Köçəryanlar, Sərkisyanlar Azərbaycanın işğal edilmiş torpaqlarının talanması hesabına milyardlara yiyələnib kef sürürlər. Amma onların Ermənistanda qurduğu “müstəqil” dövlət hələ nəinki II Qarabağ savaşında müzəffər Azərbaycan ordusunun azad etdiyi torpaqlarımızdan çıxan erməniləri, hətta 1988-1992-ci illərdə köçənləri də Ermənistanda normal yaşayış yeri və ərzaqla təmin etməyib. Ümumiyyətlə, hamı bilir ki, oradakı ermənilər Qarabağ ermənilərini qəbul etmək istəmirlər. Bəziləri onları “türkdən dönmə adlandırır. Bir sözlə, Azərbaycandan çıxan ermənilərin çoxu Ermənistanda dolana bilmir və xaricə, Rusiyaya-filana köçməyə məcbur olurlar. İndi özləri düşünsün, hansı yaxşıdır; belə ölkəbəölkə sərgərdan düşüb dilənçi günündə yaşamaq, yoxsa Azərbaycan vətəndaşlığını qəbul edib əvvəlki kimi rahat, dinc, əmin-amanlıqda yaşamaq?..

Onu bilin ki, ümid etdiyiniz Rusiyadan da sizə haray yoxdur. Birincisi, onun əsas məqsədi ermənilərin Qarabağda qalıb normal yaşamağı yox, öz siyasi maraqlarını həyata keçirməkdir. İkincisi də Ukraynadakı müharibədən sonra artıq Rusiya da öz hayındadır. Yoxsa, Rusiya “sülhməramlı”larının sizə iki-üç aydan bir verdiyi tulapayı humanitar yardımla dolanmaq fikriniz var?”,- açıqlamasının davamında bunları söyləyən həmsöhbətimiz Rusiyanın 10 noyabr üçrətəfli bəyanatının müddəalarını yerinə yetirməməsi məsələsinə də toxunub.

“Yeri gəlmişkən, Rusiya 2020-ci il noyabrın 10-da bizi Azərbaycanı Ermənistanla atəşkəs sazişini imzalamağa vadar etdi və üçtərəfli bəyanata imza ataraq “sülhməramlı” hesab olunan kontingentini Qarabağ torpaqlarımıza yeritməklə söz verdi ki, həmin bəyanatın müddəaları yerinə yetirilməsinə şərait yaradacaq. İndi həmin “sülhməramlı” kontingentin komandanlığından, bütövlükdə Rusiya rəhbərliyindən soruşmaq lazımdır ki, imzanızla təsdiqlədiyiniz sözlərinizi niyə yerinə yetirmirsiz? Azərbaycan üzərinə düşən hər şeyi yerinə yetirir və edir. Amma nə Moskva, nə də İrəvan 10 noyabr bəyanatının müddəalarını yerinə yetirmir. Nə Qarabağ ərazisindəki qanunsuz erməni silahlı birləşmələrinin çıxarılmasını təmin edirlər. Əksinə, Azərbaycan torpaqlarına gizli yollarla əlavə canlı qüvvə və silah-sursat daşınmasına şərait yaradırlar. Nə də Ermənistanı öz ərazisindən keçməli olan Zəngəzur dəhlizinin açılmasına vadar edə bilirlər... Cənab Prezident İlham Əliyevin məşhur bir kəlamı var: “Sözümüz imzamız qədər etibarlıdır”. Amma bunların heç imzalarının da etibarı yoxdur” -deyə sabiq deputat vurğulayıb.