Futbol üzrə dünya çempionatının Messi, Mbappe, amma Ronaldusuz rəmzi yığması...

Bizi sosial şəbəkələrdən izləyin:

"Rəmzi yığmada Fransanın üç, İngiltərənin iki nümayəndəsi var..."

"Qalib komandanı yalnız bir oyunçu (Messi) təmsil edir, üçüncü yeri tutan Xorvatiyadan isə heç kim yoxdur..."

Yığma komandanın tərkibinə hər bir mövqe üzrə 11 futbolçu daxil edilib

Futbol üzrə dünya çempionatının "WhoScored" portalı ekspertlərinin tərtib etdiyi rəmzi yığmasına Lionel Messi başçılıq edir. Bu tərkib bu gün, dekabrın 19-da səhər Qətərdə 2022-ci il dünya çempionatı bitdikdən sonra açıqlanıb.

Moderator.az xəbər verir ki, bu barədə "Vesti" nəşri yazıb.

Yığma komandanın tərkibinə hər mövqe üzrə 11 futbolçu daxil edilib. Hər bir oyunçuya bir çox parametrlər əsasında müəyyən edilən qiymət verilib (meydançada olma müddəti, nailiyyətlər, qollar, qrup halında hərəkətlər və s.).

2022-ci il futbol üzrə dünya çempionatının rəmzi yığması belədir:

- Qapıçı: Voytsex Şensnı (Polşa, 7, 9)

- Müdafiəçilər: Teo Ernandes (Fransa, 7, 2), Rodri (İspaniya, 7, 4), Harri Maquayr (İngiltərə, 7, 4), Əşrəf Hakimi (Mərakeş, 7, 0)

- Yarımmüdafiəçilər: Kilian Mbappe (Fransa, 8, 0), Kazemiro (Braziliya, 7, 5), Cud Bellinqem ( İngiltərə, 7, 6), Brunu Fernandeş (Portuqaliya, 8, 1)

- Hücumçular: Antuan Qrizmann (Fransa, 7, 5), Lionel Messi (Argentina, 8, 2).

Beləliklə, rəmzi yığmada Fransanın üç, İngiltərənin iki nümayəndəsi var. Qalib komandanı yalnız bir oyunçu (Messi) təmsil edir, üçüncü yeri tutan Xorvatiyadan isə, ümumiyyətlə, heç kim yoxdur.

Mbappe çempionatın 23 yaşlı fransız forvardı, ən yaxşı hücumçusu olub, Qətərdə dünya birinciliyi üzrə yeddi görüşdə səkkiz qol vurub: birini Avstraliyanın (4:1), hər birinə iki olmaqla Danimarka (2:1) və Polşanın (2:1) qapısına vurub. Argentina yığması ilə oyunda Mbappe het-trik edib. Həmçinin Kilianın hesabında Avstraliya və Polşa ilə görüşdə iki məhsuldar ötürmə var.

2022- ci ilin dünya çempionatının ən yaxşı bombardirləri:

Kilian Mbappe (Fransa)-8

Loinel Messi (Argentina)-7

Olivye Jiru (Fransa)-4

Xulian Alvares (Argentina)-4

Qonsalu Ramuş (Portuqaliya)-3

Alvaro Morata (İspaniya)-3

Enner Valensiya (Ekvador)-3

Kodi Qakpo (Niderland)-3

Bukayo Sako (İngiltərə)-3

Markus Reşford (İngiltərə)-3

Rişarlison (Braziliya)-3

Messi 2022-ci ilin dünya çempionatının ən yaxşı oyunçusu elan edilib.

Leonel Messi çempionatda 7 top vurub, 4 məhsuldar ötürmə edib. Argentinalı iki topu qrup mərhələsində Səudiyyə Ərəbistanı (1:2) və Meksika (2:0) ilə oyunlarda vurub.

Bundan başqa, Messi dünya çempionatlarının tarixinin bütün pley-off mərhələlərində qol vuran ilk futbolçu olub. Argentinalı üçün bu, turnirin ən yaxşı oyunçusunun ikinci mükafatıdır.

Bundan öncə Messi bu mükafatı 2014-cü ildə onun komandası Almaniyaya uduzanda alıb.