Britaniyalı polkovnikdən iddia: "Qərbin xəyanəti Putinə müharibəni udmağa imkan verəcək"

Bizi sosial şəbəkələrdən izləyin:

"Müharibə dərin dondurulma fazasına keçə bilər, müttəfiq dövlətlər isə Zelenskiyə Putinə güzəşt etmək üçün təzyiq edə bilər..."

"Bunun qarşısını almaq üçün Ukraynanın cəmi üç ay zamanı qalıb..."

"Siyasi və iqtisadi müharibə, təbliğat ustası olan Putinin məqsədi ölkəsinə mənfəət gətirmək və siyasi dəstək əldə etmək olub"

Qışda Qərb tərəfdaşları Ukraynaya xəyanət edə bilər, çünki Rusiya prezidenti Vladimir Putin növbəti dəfə qaz şantajına əl atacaq.

Ölkənin mümkün xəyanətin qarşısını alması və Putin ordusunun müharibəni udmağa imkan verməməsi üçün cəmi üç ay zamanı qalıb.

Moderator.az xəbər verir ki, bu fikri Böyük Britaniya ordusunun sabiq komandanı polkovnik Riçard Kemp Britaniyanın "Daily Telehraph" qəzetinə müsahibəsində ifadə edib.

"Avropalılar ucuz Rusiya enerjisi ilə öz tələbatlarını kor-koranə ödədikləri halda, Putin illərlə onlar üçün strateji tələ hazırlayıb. Onun ekoloji sahədə maliyyələşməsi, dezinformasiyası və təsir agentləri Rusiyadan asılılığı artırıb, Avropada şist qaz hasilatının qarşısının alınmasında, habelə Almaniya tərəfindən 1980-ci illərdə yaranan və Moskva tərəfindən maliyyələşən yaşıllar partiyalarının güclü təsiri altında nüvə energetikasının dayandırılmasında həlledici rol oynayıb.

Siyasi və iqtisadi müharibə, habelə təbliğat ustası olan Putinin məqsədi həm Rusiyaya iqtisadi mənfəət gətirmək, həm də siyasi dəstək əldə etmək olub", - Kemp belə güman edir.

Onun sözlərinə görə, Rusiya-Ukrayna müharibəsi "dərin dondurulma" fazasına keçə bilər, Ukrayna ilə müttəfiq dövlətlər isə prezident Zelenskiyə Putinə güzəştə getməsi üçün təzyiq etməyə başlayacaq.

Britaniyalı mütəxəssis qeyd edib ki, Ukrayna ilə müttəfiq olan ölkələr məişət istehlakçılar arasında qaz istehlakını xeyli azaldıb.

Lakin soyuqlar düşəndə mavi yanacağın qiyməti güclü artıma məruz qala bilər. Bu, seçicilərin kütləvi narazılılığına səbəb olacaq, bu da siyasətçilərə Ukraynaya dəstək verilməsinə və Rusiyaya qarşı sərt sanksiyalara yenidən baxmağa vadar edəcək.

"Putin Avropa ölkələrinin, o cümlədən enerji təchizatını tamamilə kəsmək yolu ilə təslim olmasınadək təzyiqi necə gücləndirməyi yaxşı bilir. Onların başı üstünü kəsən bu təhlükə ilə o, noyabrda G20 ölkələrinin sammitində atəşin dayandırılması ilə manipulyasiya edərək, bəyan edəcək ki, sülh yalnız onun Donbası, Krımı və Ukraynanın cənub sahili boyunca zəbt etdiyi bütün əraziləri əlində saxlayacağı təqdirdə mümkün ola bilər", - britaniyalı hərbçi belə fikir söyləyib.