Tomson Cefferson Universiteti Xəstəxanası və Tibb Kollecindəki Mirna Brind İnteqrativ Tibb Tədqiqat Mərkəzinin direktoru, tibb elmləri doktoru Endryu Nyuberq onilliklər ərzində dini və mənəvi təcrübələrin nevrotik təsirini tədqiq edib. O, namazın beyinə təsirini öyrənmək üçün ibadət zamanı insan beyninə zərərsiz radioaktiv boya yeridib. Beynin müxtəlif sahələri aktivləşdikcə bu kontrast aktivliyin xüsusilə güclü olduğu yerə keçib.

Moderator.az  bu məlumatı  “The Huffington Post” nəşrində dərc edilmiş araşdırmadan əldə edib.

 

Namaz əsnasında beynin mücərrəd düşünməyə cavabdeh olan ön- alın hissələrinin çox aktiv olduğu üzə çıxıb. Onlar həmişə hansısa konkret bir işə diqqət yetirildikdə  daha çox çalışırlar. Bu an fotoda göstərilib.

Eyni zamanda ateistlərin meditasiyasını və ya “Tanrını dərk etdiklərini düşündüyünü” seyr edərkən doktor Nyuberq alın hissədə dindar insanlarda müşahidə etdiyi beyin fəallığını qeydə almayıb.

 

Tədqiqatçı belə nəticəyə gəlib ki, bütün dinlər nevroloji təcrübə yaradır və Allah ateistlər üçün təsəvvür edilməz olsa da, dindarlar üçün O, fiziki dünya qədər realdır…

 

Alimlər belə bir nəticə də əldə ediblər: 

 

“Beləliklə, bu, intensiv ibadətin beyin hüceyrələrinin spesifik reaksiyasını doğurduğunu anlamağa kömək edir və bu cavab transsendent mistik təcrübəni elmi fakta, konkret fizioloji hadisəyə çevirir”.

Şəkildə dinclik zamanı və obyekt dua edərkən beyin fəaliyyəti müqayisə olunub. Orientasiyadan məsul olan əmgək bölgəsinin (arxa yuxarı əmgək bölgəsi) donduğu aşkar edilib. Alimlər orada yerləşən neyron dəstəsini “oriyentasiya ilə əlaqəli sahə” adlandırırlar, çünki bu neyronların əsas funksiyası bədəni fiziki məkanda istiqamətləndirməkdir. Bu bölgə normal sakit fəaliyyət vəziyyətində olduqda insan öz şəxsiyyəti ilə ətrafındakı hər şey arasındakı fərqi aydın hiss edir. O, passiv, “yatmış” vəziyyətdə olanda bu fərq itir və nəticədə insanla dünya arasındakı sərhədlər bulanır. Namaz qılanlar diqqətlərini Allaha ibadətdə cəmləyəndə də məhz belə olur…

“İnsanların meditasiya zamanı müşahidəsi göstərir ki, onlar həqiqətən də xarici dünyanı qavrayışlarını “söndürürlər”. Artıq onları kənardan gələn mənzərələr və səslər narahat etmir. Odur ki, onların əmgək bölgəsinin artıq heç bir giriş siqnalı qəbul etməməsi mümkündür" -deyə Amerika alimi bildirib.

 

Tərcümə və təqdim etdi: Sultan Laçın