Moskva Rusiyada ümumi səfərbərlik elan etmək, Ukraynanın şərqini və cənubunu zəbt etmək istəyir, hərçənd, Putin hələ işğal etdiyi Donbasla nə edəcəyini müəyyənləşdirməyib.

 

Moderator.az xəbər verir ki, bu barədə Ukrayna müdafiə nazirliyini Baş Kəşfiyyat İdarəsinin rəisi Kiril Budanov "Novoye vremya" nəşrinə müsahibəsində bəyan edib.

 

"Hazırda onlar yol ayrıcındadır. Daha doğrusu, onlar yox, Rusiya prezidenti: orada hər şeyi bir nəfər həll edir. O, son qərarını verməyib: Donbası Rusiyanın tərkibinə qatmağa cəhd etmək və ya onu hər hansı üçüncü ərazi kimi saxlamaq. Lakin müəyyən addımlar artıq atılıb",  - Budanov deyib.

 

Ukrayna kəşfiyyatının rəhbəri başlıca addımın "LDXR" layihəsinə kuratorluğun xarici ərazilərə cavabdeh olan Vladislav Surkovdan Rusiya prezidenti administrasiyası rəhbərinin müavini Sergey Kiriyenkoya keçməsi olduğunu deyib.

 

"Bu, birbaşa Kremldən idarə olunmaq deməkdir. Bu, heç bir xarici ərazilərə rəhbərlik etmək demək deyil. Onlar bu proseslərə hazırlaşır, amma son qərar hələ verilməyib", - Budanov izah edib.

 

Onun fikrinə görə, Putinin final qərarı bir çox amillərdən asılı olacaq.

 

"Birincisi, onlara bütöv Donbas lazımdır. Çünki əgər Donbasın bir hissəsi hələlik onların nəzarətində olacaqsa, digər hissəsi olmayacaqsa, hətta xəstə təfəkkür də legitim olmayacaq. Onlara bütöv Donbas lazımdır ki, Donbas xalqının öz yolunu  seçdiyini deyə bilsinlər", - Budanov vurğulayıb.

Bu zaman o, əmindir ki, Rusiya ordusu Donbasın bütün ərazisini 9 mayadək ələ keçirə bilməyəcək.

 

"Bu, onların məqsədidir, amma bu, baş verməyəcək, çatdıra bilməyəcəklər. Heç cür fürsət tapa bilməyəcəklər", - o, bəyan edib və əmin olduğunu bildirib ki, may ayında ümumi səfərbərliyin elan edilməsi ehtimalı çox yüksəkdir.

 

"Hazırda Rusiya müdafiə nazirliyi vəziyyəti dəyərləndirir və səfərbərlik naryadları üzrə nə verə biləcəklərini hesablayır. Bu, ümumi səfərbərlikdən öncə zəruri addımdır", - Budanov deyib.

 

Sonda Ukrayna kəşfiyyatının rəhbəri Rusiya- Ukrayna müharibəsinin sona yetməsinin iki variantını açıqlayıb və hər iki variant Rusiyanın Ukrayna üzərində qələbəsini istisna edir.

 

"Birinci variant- Rusiyanın üç və daha çox hissəyə bölünməsi. İkinci variant- ölkə rəhbərliyinin dəyişilməsi ilə Rusiyanın ərazi bütövlüyünün nisbətən saxlanılması. Sonuncu variantda yeni rəhbər deyəcək ki, bu, xəstə diktator olub, ölkənin buraya heç bir aidiyyəti yoxdur.  Bu halda Rusiya bütün işğal etdiyi əraziləri-  Yaponiya adalarından tutmuş Almaniyaya məxsus Keniqsberqədək (indiki Kalininqrad) təhvil verməli olacaq", - Budanov deyib və qeyd edib ki, Rusiyanın hərbi- siyasi rəhbərliyi nümayəndələrinin əksəriyyəti bunu bilir.

 

"Məhz buna görə gə onların istifadə etdiyi rəsmi ritorikaya rəğmən, Qərblə çoxsaylı dialoq cəhdləri edilir. Amma qeyri- rəsmi ritorika tamam başqadır: onlar öz sərvətlərini itirməkdən qorxurlar. Və bunun onlar üçün tez bir zamanda nə ilə bitəcəyini anlayır",- Budanov qeyd edib.

 

Putinlə bağlı onun fikri birmənalıdır: "Ona geri çəkilmək üçün yol saxlamaq- bu, strategiyalardan biridir,  amma demək olar ki, real deyil. O, bütün dünya üçün hərbi cinayətkardır. Bu, onun sonudur və özü özünü dalana salıb".

 

Bundan əvvəl Dövlət Dumasının deputatı, polittexnoloq Oleq Matveyçev bəyan edib ki, Putin qəsdən Ukraynanın qələbəsi təəssüratını yaradır. Və bu, onun "NATO- nun bütün silahlarının hamısı utilizasiya edilənədək" davam edəcək. Rusiyalı deputatın fikrincə, Qərbin belə strategiyası bütün imkanlarını təzahür etməyə və "bütün kozırları üzə çıxarmağa" vadar edəcək.