Rusiya təkamül prosesinə qarşı çıxır, daha anlamır ki, gələcək yüksək texnologiyalardadır.

 

Putin və onun bütün xidmətçiləri dünyada baş verənlərdən çox geridə qalıb.

 

Moderator.az xəbər verir ki, bu barədə "QORDON" internet nəşrinin baş redaktoru Alesya Batsmana müsahibəsində Ukrayna baş nazirinin müavini, Ukraynanın rəqəmsal transformasiyası naziri Mixail Fyodorov bəyan edib.

 

"Onlar təkamülə qarşı çıxmağa cəhd edir və anlamır ki, gələcək yüksək texnologiyaların, texnoloji ölkələrin, açıq dünyanındır, bu dünyada pullar, virtual valyutalar, insanlar, beyinlər tez hərəkət edəcək. Gələcək bürokratik sistemlərin deyil, İT- şirkətlərinə bənzəyən hökumətlərindir.

Hazırda Ukrayna hökuməti daha çox İT- şirkətinə, Rusiya hökuməti isə ağır, paslanmış və yöndəmsiz sovet tankına bənzəyir", - nazir qeyd edib.

 

O, vurğulayıb ki, hökumət meydana çıxan problemlərə tez bir zamanda münasibət göstərməli və onların texnoloji həllini tapmalıdır. Rusiya hökuməti isə bunu anlamır.

 

Nazir deyib ki, "Putinin ətrafında rəqəmsal istiqamətə cavabdeh olan adam yoxdur. Onlar bu istiqaməti üstün hesab etmir. Hər şeyə FTX kuratorluq edilir, onun əməliyyat idarələri var, Putinin yanında isə bu məsələ ilə məşğul olan yoxdur. Biz hər halda kəşfiyyat orqanı deyilk və belə nəticəyə açıq informasiya əsasında gəlirik. Amma anlayırıq ki, hər şey FTX- dan gəlir və FTX tərəfindən maliyyələşir", - nazir qeyd edib.

 

Daha sonra o, Ukraynada Rusiya telekanallarının YouTube- da tamamilə ləğv edilməsinin zəruriliyindən danışıb.

 

Ukrayna hökuməti Rusiyanın təbliğat telekanallarının YouTube- da tamamilə bloklanması üçün çalışır.

 

"Biz Google, Meta ilə bu akkauntların bloklanması üçün ünsiyyətdəyik. İnstagram- da dövlət tərəfindən maliyyələşdirilən təbliğat xarakterli nişanlar meydana çıxıb.

 

Biz Rusiya hökuməti tərəfindən maliyyələşdirilən bütün tanınmış blogerlərin, təbliğatçıların Ukraynada bloklanması üçün uzun müddətdir ki, çalışırıq, amma bu, yetərli deyil.

 

Biz Rusiyanın "Rossiya- 1", "Rossiya- 24" və başqa telekanallarının YouTube- da nəinki öz ölkəmizin, həm də Rusiya ərazisində tamamilə bloklanması üzərində işləyirik. Çünki bu kanallar beyinləri zəhərləyir, dezinformasiya yayır, onların feyk məlumatları isə, sadəcə, dəhşət doğurur. Onların dedikləri və yaydığı məlumatlar sağlam məntiqə ziddir", - Fyodorov vurğulayıb və əlavə edib ki, Rusiyada tezliklə YouTube "Roskomnadzor" tərəfindən bloklanacaq.