Lavrov: Rusiya Alyaskada Ukrayna ilə bağlı razılaşmaya hazır idi

Rusiya Alyaskada Ukrayna ilə bağlı razılaşmaya hazır olduğunu bildirmişdi, lakin ABŞ tərəddüd etdi.

Moderator.az xəbər verir ki, bunu Rusiyanın xarici işlər naziri Sergey Lavrov OTR televiziya kanalına verdiyi müsahibədə bildirib.

Onun sözlərinə görə, Rusiya bütün qlobal enerji bazarlarından sıxışdırılır.

"O zaman yalnız öz ərazimiz qalacaq. Amerikalılar bizə gəlib bizimlə əməkdaşlığa tərəfdar olduqlarını deyəcəklər. Vaşinqton Ukrayna məsələsinin həllindən danışır, Moskva buna Alyaska sammitində hazır idi, Amerika tərəfi tərəddüd etməyə başladı. Onlar harada daha çox güzəştlərin edilə biləcəyini analiz edir. Guya bundan sonra Rusiya və ABŞ-yə böyük iqtisadi perspektivlər açılacaq", - qeyd edib.

XİN rəhbəri ABŞ-nin Rusiyanın maraqlarını nəzərə almasının vacibliyini diqqətə çatdırıb: "Əgər biz öz ərazimizdə qarşılıqlı faydalı layihələr həyata keçirməyə və amerikalıların maraqlarını təmin etməyə hazırıqsa, onlar da bizim maraqlarımızı nəzərə almalıdırlar. Biz hələ bunu görməmişik. Rusiyanın sərhədlərindən kənarda olanlar da bizim sərvətimizə hörmətlə yanaşmalıdırlar".