"Tramp üçün təhlükəli dönüş: İran müharibəsi Ağ Evin siyasi dayaqlarını sarsıdır" - "The Economist"

"Uzanan qarşıdurma ABŞ prezidentini zəiflədir və daha sərt addımlara sürükləyə bilər..."

ABŞ prezidenti Donald Tramp üçün İranla müharibə ən ciddi sınaqlardan birinə çevrilib.

Moderator.az xəbər verir ki, bu barədə "The Economist" nəşri yazıb.

Trampın siyasi dayaqları aşınır

Nəşr yazır ki, "Kor qəzəb əməliyyatı" Trampın prezidentlik trayektoriyasını dəyişə və hətta siyasi süqutuna səbəb ola bilər. Qısa münaqişə belə kursu dəyişə bilər, uzunmüddətli savaş isə daha ağır nəticələr doğurur.

İran təşəbbüsü və beynəlxalq narazılıq

Trampın "qələbə" bəyanatlarına baxmayaraq, İran hərbi potensialını qoruyur, gəmiçilik və enerji infrastrukturuna zərbələr endirir, Hörmüz boğazından təzyiq aləti kimi istifadə edir.

Eyni zamanda, NATO müttəfiqləri sərt tələblərini dəstəkləmir, ABŞ daxilində yanacaq qiymətləri, hərbi itkilər və iqtisadi risklər prezidentə dəstəyi azaldır. MAGA tərəfdarları arasında da narazılıq yüksəlir.

Zəifləyən prezident və uzunmüddətli təsirlər

"The Economist" xəbərdarlıq edir ki, zəifləyən lider daha radikal addımlar ata bilər, başqa regionlarda "qələbə" axtara və daxili, xarici siyasətdə sərtləşə bilər. Enerji bazarları, qlobal ticarət və gəmiçilik uzun müddət təsir altında qalacaq.

ABŞ Yaxın Şərqdə hərbi mövcudluğunu artırır; minlərlə dəniz piyadası və desant gəmiləri, o cümlədən "USS Boxer", "USS Portland" və "USS Comstock" bölgəyə göndərilir. Müharibə həm region, həm də Trampın siyasi gələcəyi üçün ciddi risklər yaradır.