"Rusiyanın boğazı qalındır - onu boğmaq uzun və amansız proses olacaq"- Nevzorov

Bizi sosial şəbəkələrdən izləyin:

"Dünyada elə bir qüvvə varmı ki, bu rüsvayçı müharibəni dərhal dayandıra bilsin?.."

Ruslar yoxsulluq və bahalı həyat ucbatından ağlını itirir.

Moderator.az xəbər verir ki, bu barədə rusiyalı publisist Aleksandr Nevzorov "gordonua.com" nəşrində yazıb.

Müəllif yazır: "Rusiya Elmlər Akademiyasının Psixologiya İnstitutunun monitorinqi bunu açıq göstərir. Sorğuda iştirak edənlərin 42 faizi özündə depressiya əlamətləri görür, 27 faizində idarəolunması çətin narahatlıq var, 31 faiz isə artıq açıq narahatlıq-depressiv vəziyyətdədir. Səbəb sadədir - pul.

Rusların 66 faizi maliyyəsinə görə narahatdır, 84 faizi isə qiymət artımından qorxur. Və bu rəqəmlər hər ay artır. Yoxsulluq artıq barmaqlarını isidir. Çünki Rusiyanın boğazı qalındır - onu boğmaq uzun və amansız proses olacaq. Bəs dünyada elə bir qüvvə varmı ki, heç bir sövdələşmə, danışıqlar və sazişsiz bu rüsvayçı müharibəni dərhal dayandıra bilsin?

Donald Tramp bacarmır. Avropa bacarmır. Çin istəmir. Amma belə bir qüvvə var - bu, rus xalqıdır. Əgər bu xalqın heç olmasa 10 faizi - təxminən 14 milyon insan eyni anda, utanc, qəzəb və düşdükləri uçurumun fərqində olaraq ayağa qalxsa, Kreml siçanı dərhal ən dərin bunkerinə girər, təbliğat susar, cəbhə isə generalların üstündən keçərək dağılardı. "Vətənin müdafiəsi" adlı iyrənc yalan bir anda yoxa çıxardı.

Bəli, ruslar itaətkar xalqdır, onlarda köləlik refleksi güclüdür. Amma onlar da bəzən dözülməzə dözməməyi bacarır. Belə nümunələr olub. Amma indi xalq susur. Hətta bəzən bu susqunluq razılıq kimi görünür. Ukraynadakı soyqırımı, işğalı və talanı dayandırmaq istəyi görünmür. Bu, müşahidə olunan faktdır. "Kollektiv günah" mübahisəsini burada bağlamaq olar.

İndi ruslar üçün əsl yoxsullaşma dövrü başlayır. Müharibə öz çürük "yumurtasını" hər evə qoyacaq. Yoxsulluğun ağrısı və narahatlıq rus beynini deşəcək. Onların saxta rifah dünyası çat verəcək. Qlamur həyatın bəzəkləri töküləcək, sadə insanlar isə ümidsizliyə qərq olacaq".