"Beynəlxalq Cinayət Məhkəməsi Belarus hakimiyyətinin cinayətlərini araşdırır" - BBC

"Kalinovski alayına aid könüllülərə 25 ilə qədər həbs cəzası verilib..."

Beynəlxalq Cinayət Məhkəməsi (BCM) 2020-ci ilin mayından  etibarən Belarus hakimiyyəti tərəfindən törədildiyi iddia olunan insanlıq əleyhinə cinayətləri araşdırmağa başlayıb.

Moderator.az xəbər verir ki, bu barədə "bbc.com" nəşri yazıb.

Belarus hakimiyyətinin cinayətlərini araşdırılır

Bu cinayətlərə Lukaşenkoya qarşı olan şəxslərin deportasiyası və təqibi daxildir. Araşdırma həmçinin beynəlxalq hüququn pozulmasını və insan haqlarının ciddi şəkildə tapdalanmasını da əhatə edir. Litva BCM üzvü olaraq araşdırmanın aparılmasını xahiş edib və bəzi iddia olunan cinayətlərin onun ərazisində törədildiyini bildirib.

BCM açıqlamasında vurğulayıb ki, bu zorakı tədbirlər dövlət siyasətinin bir hissəsi kimi həyata keçirilib və ən yüksək səviyyədə təşviq olunub. Məhkəmə qeyd edir ki, hadisələrə dair ilkin sübutlar məcburi deportasiya və təqib siyasətinin məqsədli şəkildə aparıldığını göstərir.

Müharibə mövzulu videolar və Kalinovski alayı

Belarus hüquq-mühafizə orqanları bloger Yekaterina Vodonosova əleyhinə İkinci Dünya müharibəsi mövzusunda hazırladığı tədris videolarına görə cinayət işi açıb. Ona "nasizmin reabilitasiyası" maddəsi üzrə beş ilə qədər həbs cəzası ilə hədələnir. 

Araşdırmaçılar iddia edirlər ki, Vodonosova videolarda tarixi faktları manipulyasiya edir və nasist cinayətkarlarını və onların Belarusdakı köməkçilərini qəhrəmanlaşdırır. Vodonosova isə bu iddiaları qətiyyətlə rədd edir və videoların yalnız tədris məqsədli olduğunu bildirir.

Bundan başqa, Kalinovski alayının beş könüllüsü - Vadim Kabançuk, Pavel Şurmey, Aleksey Kovalçuk, Aleksey Nazarov və Denis Proxorov Belarus məhkəməsi tərəfindən 12-25 il arası həbs cəzasına məhkum edilib. Onların hamısı ölkə xaricindədir.

Bu alay 2022-ci ildə Rusiyanın Ukraynaya hücumundan sonra yaradılıb və Ukrayna Silahlı Qüvvələrinin tərkibinə daxildir. Belarusda isə təşkilat terrorçu qruplaşma kimi tanınır. Məhkəmə onları terror aktları törətməkdə və terror təşkilatı yaratmaqda ittiham edir və əlavə olaraq, hər birindən 30 min dollara qədər cərimə tələb olunub.

Polşa-Belarus sərhədində yeni məhdudlaşdırıcı tədbirlər

Polşa Podlyask vilayətində Belarus sərhədində ikinci qoruyucu divarı qurmağa başlayıb. Əvvəlcə noyabrda planlaşdırılan dörd metrlik divar soyuq hava səbəbindən gecikib. Divarın üstündə iki qat tikanlı məftil olacaq, əlavə iki qat isə arxada yerləşdiriləcək.

Məqsəd sərhədi daha etibarlı qorumaq və qanunsuz miqrant axınının qarşısını almaqdır. 2022-ci ildə Polşa 180 km-lik ilk divarı qurmuşdu. Hazırkı əməliyyatda 2,3 min sərhədçi və 5 mindən çox hərbçi iştirak edir. Hərbi qüvvələr yalnız sərhədi qorumaqla kifayətlənmir, həm də ərazidə hərbi təlimlər keçirir.

Polşa hakimiyyəti Belarus prezidenti Aleksandr Lukaşenkonu miqrasiya böhranını süni yaratmaqda ittiham edir, lakin Lukaşenko bu iddiaları rədd edir. Yeni divarın qurulması ölkənin şimal-şərq sərhədlərini daha da möhkəmləndirməyə xidmət edir və regiondakı təhlükəsizlik səviyyəsini artırır.