"İran Ordusu İsraili məhv etməyə və Qüdsü azad etməyə çağırış edib" - "Tasnim" agentliyi

"İran hərbi rəhbərliyi ölkə və dünya ictimaiyyətini Qüdsün azadlığı uğrunda birləşməyə və ABŞ-İsrail təsirinə qarşı dayanmağa səsləyir..."

İran Ordusu rəsmi bəyanatla çıxış edərək ölkə vətəndaşlarını İslam Respublikasının qurucusu tərəfindən müəyyən edilmiş yola dəstək göstərməyə çağırır və Qüdsün azadlığı uğrunda mübarizədə həmrəylik nümayiş etdirməyə dəvət edir.

Moderator.az xəbər verir ki, bu barədə İranın "Tasnim New Agency" agentliyi məlumat yayıb.

Ramazan ayının son cüməsi və Beynəlxalq Qüds Günü

Bəyanat müqəddəs Ramazanın ayının son cüməsi ərəfəsində və İmam Xomeyninin irsinin mühüm bir hissəsi olan Beynəlxalq Qüds Günü münasibətilə yayımlanıb. Mətnə görə, bu gün həm İmamın sionist rejim barədə uzaqgörən siyasətini əks etdirir, həm də bütün dünyaya zülm görmüş Fələstin xalqının səsini çatdırmaq imkanıdır.

Bəyanatda vurğulanır ki, Fələstin xalqı səksən ilə yaxın bir müddət ərzində beynəlxalq sionizm və onun Qərb tərəfdarlarının, xüsusilə ABŞ-ın dəstəyi ilə dəhşətli hüquq pozuntularına, soyqırımlara və hərbi cinayətlərə məruz qalıb. 

Beynəlxalq Qüds Günü isə müsəlmanlar və azadlıq tərəfdarları üçün Fələstin və müqəddəs Qüdsün azadlığı uğrunda dayanmaq imkanıdır. Bu, həm də Fələstin xalqının uzunmüddətli zülm və ədalətsizliklə mübarizəsinin beynəlxalq səviyyədə görünməsini təmin edən simvolik gündür.

Sionist rejimin məhvi və Fələstin dövləti

Bəyanatda qeyd olunur ki, sionist rejiminin süqutu və bütün dini təriqətlərin maraqlarını nəzərə alan müstəqil Fələstin dövlətinin yaradılması qaçılmazdır. İran Ordusu hazırkı müharibəni sionist rejimi və onun əsas müttəfiqi ABŞ-ın insanlıq əleyhinə və aqressiv cinayətlərinin yeni təzahürü kimi qiymətləndirir.

İran Ordusu vətəndaşları Qüds Günü azadlıq yürüşündə iştirak etməyə, Fələstin xalqı ilə həmrəylik nümayiş etdirməyə və sionist rejimin məhvini dünyaya göstərməyə çağırır. Məqsəd bu yola sadiqliyi nümayiş etdirməkdir.

Bəyanatda vurğulanır ki, İslam Respublikasının hərbi qüvvələri Fələstin xalqının haqq mübarizəsini dəstəkləyir, Qüdsün müqəddəsliyini qorumağa çalışır və azadlıq üçün mübarizə aparanları ön plana çıxarır. Vətəndaşlar bu yürüşdə iştirak edərək, yalnız Fələstinə dəstək göstərmirlər, həm də İranın milli və ideoloji xəttinə bağlılıqlarını açıq şəkildə təsdiqləmiş olurlar.