İranın qadın millisinin beş futbolçusu Avstraliyadan sığınacaq istəyib, Tramp Baş nazirə müraciət edib

ABŞ hazırda Qold-Kost şəhərində olan İranın beş qadın futbolçusu ilə bağlı Avstraliyanın baş nazirinə müaricət edib.

Moderator.az xəbər verir ki, o bu barədə “X” hesabında paylaşım edib.

“Avstraliya İranın qadınlardan ibarət milli futbol komandasının ölkələrinə məcburi qaytarılmasına icazə verməklə dəhşətli bir humanitar səhvə yol verir. Onlar geri göndərilsə, böyük ehtimalla öldürüləcəklər. Cənab Baş nazir, bunu etməyin, onlara sığınacaq verin. Əgər siz verməsəniz, ABŞ onları qəbul edəcək. Bu məsələyə diqqət ayırdığınız üçün təşəkkür edirəm”, – Tramp bildirib.

Qeyd edək ki, xarici KİV-lərin yaydığı məlumat görə, İranın qadın futbol üzrə milli komandasının beş üzvü Cənubi Koreyaya qarşı Asiya Kubokunun qrup mərhələsi oyunundan əvvəl dövlət himnini oxumaqdan imtina edib. Oyunçular baş verəcək təhlükəni qabaqlamaq üçün Avstraliya polisinə müraciət ediblər. Hotelin foyesində danışıqlar davam edərkən xaotik vəziyyət yaranıb. Bu zaman İran İslam Respublikası ilə əlaqəli şəxslər qadın futbolçuları axtarmaq üçün əraziyə daxil olublar. Hadisə şahidlərinin iddiasına görə, beş qadın futbolçu hoteldən qaçıb və İran rejimi ilə əlaqəli şəxslər onların izinə düşüblər.

Məlumata görə, hazırda qadın futbolçular Avstraliya polisinin nəzarəti altındadır.

İranın qadın futbolçularından bir neçəsi Avstraliyanın Qold-Kost şəhərində baş verən xaotik hadisələr fonunda Avstraliyadan sığınacaq istəyib.

Sözügedən addım İran televiziya kanalında çalışan şərhçi tərəfindən kəskin mənfi fonda izah edilib. Bu addım dövlətə xəyanət kimi qiymətləndirilib və belə bir cinayət ölüm cəzası ilə cəzalandırıla bilər.