"Çində ən böyük siyasi hadisə: "İki sessiya"nın əhəmiyyəti" - BBC

"Pekində keçirilən Milli Məclis və Siyasi Məsləhət Şurasının sessiyaları ölkənin iqtisadi və siyasi prioritetlərini müəyyənləşdirir..."

Sessiyaların başlanğıcı və əhəmiyyəti

Martın 4-5-də Pekində Çin Xalq Respublikası Milli Məclisinin 14-cü çağırışının 4-cü sessiyası və Çin Xalq Siyasi Məsləhət Şurasının 14-cü çağırışının 4-cü sessiyası başlayıb. Bu illik ənənəvi sessiyalar ölkənin siyasi gündəliyini və iqtisadi prioritetlərini müəyyənləşdirir.

Moderator.az xəbər verir ki, bu barədə "bbc.com" nəşri yazıb.

Sessiyalar təxminən on gün davam edir və Çin üçün strateji əhəmiyyət daşıyır. Ekspertləri bir sual düşündürür: daxili istehlakın yavaşlamasına baxmayaraq, ambisiyalı iqtisadi artım hədəfləri elan ediləcəkmi və Si Tszinpin tərəfindən hazırlanan yeni beşillik planın istiqaməti nə olacaq. Yüksək rütbəli hərbi rəsmilərin son anti-korrupsiya kampaniyası çərçivəsində istefaya göndərilməsi sessiyaların siyasi fonunu bir qədər kölgəyə salır.

Sessiyaların strukturu və rolu

"İki sessiya" iki fərqli toplantını əhatə edir. Siyasi Məsləhət Şurası: 2000-dən çox üzvdən ibarət olan orqan yalnız məsləhət verir, qanunverici səlahiyyətə malik deyil. Ümumi mövqelər və strateji hədəflər burada müəyyən edilir.

Milli Məclis: 1954-cü ildən fəaliyyət göstərən qanunverici orqan rəsmi olaraq qanunlar qəbul edir, konstitusiyaya dəyişikliklər edə bilər və dövlət büdcəsini təsdiqləyir. Lakin reallıqda sessiya partiyanın qərarlarını təsdiqləyən formal parlament funksiyasını yerinə yetirir. 

Həqiqi güc kiçik Daimi Komitədə cəmləşir. Keçmiş illərdə bu sessiyalar vasitəsilə iqtisadi islahatlar, yeni iqtisadi kurs və dövlətin iqtisadiyyata nəzarət planları açıq-aydın görünürdü. Sessiyalar həm də sosial təşəbbüslərin və "yumşaq güc:ün artımının izlənməsi üçün imkan yaradır.

Beynəlxalq kontekst və builki diqqət mərkəzləri

Çinin texnoloji və sənaye təsiri sürətlə artıb: elektrikli avtomobillər, günəş panelləri, insanabənzər robotlar və süni intellekt tətbiqləri ölkəni qlobal gücə çevirir. Sessiyalar vasitəsilə analitiklər strateji prioritetləri izləyir və hökumətin hansı sahələrə fokuslanacağını müəyyənləşdirir.

Bu il gündəmdə "etnik birlik" qanunu və Ekologiya və Təbiəti Qoruma Kodeksi var. Həmçinin hökumətin illik hesabatı və beşillik plan təsdiqlənəcək, iqtisadi artım hədəfləri və prioritet sektorlar göstəriləcək.

Sessiya iştirakçılarının siyahısındakı dəyişikliklər diqqətlə izlənir. Son aylarda yüksək rütbəli hərbi rəsmilər və bəzi nümayəndələr statuslarını itirib ki, bu da siyasi təmizləmənin davam etdiyini göstərir.