"Tramp Rusiyaya gözlənilməz hədiyyələr edib və yeni imkanlar açıb" - "NetEase"

"ABŞ-ın İranla müharibəsi enerji qiymətlərini artırır, Qərbin diqqətini Ukraynadan yayındırır və bu vəziyyət obyektiv olaraq Rusiyanın xeyrinə işləyir..."

ABŞ və İsrailin İranla qarşıdurması dünya enerji bazarında ciddi təsir yaradıb.

Moderator.az xəbər verir ki, bu barədə Çinin "NetEase" nəşri yazıb.

Enerji bazarında əlavə gəlirlər və büdcə rahatlığı

"Brent" neftinin qiyməti artıq 82 dolları keçib, bəzi analitiklər isə 100 dolları da istisna etmirlər. İranın Hörmüz boğazındakı qeyri-sabitlik və neft nəqli problemləri qiymətlərin artmasına səbəb olub. Bu isə Rusiyanın enerji ixracatını daha sərfəli edib, əlavə büdcə gəliri yaradır.

Rusiya əvvəllər büdcəni neftin 60 dollar səviyyəsində hesablamışdı. Artan qiymətlər sayəsində yaranan əlavə gəlirlər həm sosial xərclərin, pensiyaların və müavinətlərin ödənilməsinə, həm də hərbi ehtiyacların maliyyələşdirilməsinə yönəldilə bilər. Bu, iqtisadi sabitliyi gücləndirir və Rusiyanın dünya bazarındakı payını artırır.

Qərbin diqqəti yayılır, hərbi təzyiq azalır

Müharibə həm də Qərbin resurslarına təsir göstərir. Son illərdə Ukraynaya silah tədarükü Qərbin arsenalını xeyli məhdudlaşdırmışdı. İrana qarşı əməliyyatlar isə əlavə sursat və "Patriot" və THAAD kimi intensiv istifadəsinə gətirib çıxarır. Bu, Qərbin diqqətini regiona çəkir və Ukraynaya göstərilən dəstək azalır.

Nəticədə, ABŞ və İsrailin diqqətinin Yaxın Şərqə yönəlməsi Rusiyanın Ukrayna cəbhəsində üzləşdiyi təzyiqi müəyyən qədər yüngülləşdirir. Moskva üçün bu, qısamüddətli strateji üstünlük deməkdir: Qərbin diqqətini paylaşdırmaqla həm iqtisadi, həm də hərbi sahədə əlverişli şərait yaranır.

Post-müharibə imkanları və risklər

Müharibə bitdikdən sonra İranın genişmiqyaslı bərpasına ehtiyac yaranacaq. Rusiya sənaye və enerji potensialına görə bu prosesdə iştirak edə bilər, infrastruktur və enerji layihələrində rol oynaya bilər. Lakin Çin və Avropa şirkətləri də bu bazarda rəqabət aparacaq. Regiondakı qeyri-sabitlik və müharibənin müddətinin naməlum olması isə əlavə risk yaradır.

Ümumilikdə, ABŞ və İsrailin İrana qarşı müharibəsi Rusiyaya qısamüddətli strateji və iqtisadi üstünlüklər təqdim edir. Donald Tramp Yaxın Şərqdə ABŞ mövqelərini gücləndirməyə çalışsa da, nəticədə Moskva gözlənilməz imkanlar əldə edib. Bununla belə, bu üstünlüklər uzunmüddətli deyil və müəyyən risklərlə müşayiət olunur.