KİV: İqor Nikolayev 40 milyon rublluq tur üçün həyatını riskə atır

Rusiyalı bəstəkar və müğənni İqor Nikolayev həkimlərin sərt xəbərdarlıqlarına baxmayaraq, konsert fəaliyyətinə davam etməyi planlaşdırır.

Moderator.az xəbər verir ki, bu barədə kp.ru məlumat yayıb.

Məlumata görə, son beş ildə 66 yaşlı sənətçi üç dəfə infarkt keçirib, stent qoyulub və aorta koronar şuntlama əməliyyatı keçirib, həkimlər sənətçini dəfələrlə onun səhhətinin kritik vəziyyəti barədə xəbərdar ediblər. Onlar qəfil ölüm riskinin son dərəcə yüksək olduğunu bildiriblər və aktiv qastrol səfərlərinə davam etməməyi məsləhət görüblər.

Xəbərdarlıqlara baxmayaraq, mediada yayılan məlumatlara görə, Nikolayev hazırda Moskva bölgəsinə genişmiqyaslı qastrol səfərinə hazırlaşır və bu turdan təxminən 40 milyon rubl (880 min manat ) qazanc əldə etməyi gözləyir. Bu fonda pərəstişkarları sənətçinin sağlamlığı ilə bağlı narahatlıqlarını ifadə edirlər. Onlar Nikolayevə xatırladıblar ki, onun rifahı istənilən yaradıcı ambisiyalardan daha vacibdir.