“Epşteyn işi” ilə bağlı minlərlə sənəd silindi

ABŞ Ədliyyə Nazirliyi zərərçəkmişlərin şikayətlərindən sonra amerikalı maliyyəçi Cefri Epşteynin işi ilə bağlı bir neçə min sənədi silmək qərarına gəlib.

Moderator.az xəbər verir ki, bu haqda “New York Post” məlumat yayıb.

Məlumata görə, bu sənədlərin ictimai istifadədən çıxarılması barədə qərar şəxsi məlumatları səhvən açıqlanan zərərçəkənlərin şikayətlərindən sonra qəbul edilib.

“Nyu-Yorkun Cənub bölgəsi üzrə prokuroru Cey Kleyton hakimlər Riçard Berman və Pol Engelmayerə yazdığı məktubda bildirib ki, Ədliyyə Departamenti zərərçəkmişlər və ya onların vəkilləri tərəfindən aşkar edilmiş bütün açıqlama [şəxsi məlumatlar] materiallarını silib”, - məlumatda bildirirlir.

Qeyd edək ki, C.Epşteyn ABŞ Ədliyyə Departamentinin cinsi istismar, pedofiliya və fahişəlik şəbəkəsi yaratmaq ittihamları ilə həbs olunmuş və 2019-cu ildə həbsxanada ölü tapılmışdı. Bir neçə gün əvvəl isə Ədliyyə Departamenti “Epşteyn işi” ilə bağlı genişmiqyaslı arxiv məlumatlarını ictimaiyyətə açıqlayıb.