O pandaları görmək üçün zooparka axın edirlər

Yaponiya və Çin arasında Tayvanla bağlı gərginlik davam edərkən, Tokio hökuməti ölkədəki son iki pandanı Çinə qaytarmazdan əvvəl minlərlə ziyarətçi zooparka axın edir.

Moderator.az “Kyodo” agentliyinə istinadən xəbər verir ki, 2021-ci ildə Ueno zooparkında doğulan əkiz pandalar - “Xiao Xiao” və onun bacısı “Lei Lei” sabah Çinə qaytarılır.

Məlumata görə, Ueno zooparkında pandaları ziyarət etmək üçün son gündə onlayn müraciətlər 4400 nəfərlik rezervasiya kvotasından 24,6 dəfə çox qəbul edilib.

Bildirilib ki, pandalar sabah Çinə göndəriləcək və yanvarın 28-də orada yaşayacaqları yerə aparılacaqlar. Pandaların geri qayıtması ilə Yaponiya 50 ildən çox müddətdə ilk dəfə pandasız qalacaq.

Qeyd edək ki, Çin ilk dəfə 1972-ci ildə Yaponiya ilə ikitərəfli münasibətlərin normallaşması münasibətilə Tokionun Ueno zooparkına panda hədiyyə etmişdi.

Bununla belə, Yaponiya və Çin arasında dostluğun simvolu olaraq görülən yeni panda daşınması ilə bağlı gözləntilər Yaponiyanın Baş naziri Takaiçi Sanaenin Tayvanla bağlı açıqlamalarından sonra iki ölkə arasında münasibətlərdə gərginlik yaşandığı üçün qeyri-müəyyən olaraq qalır.