"Dünyanın "Qiyamət Gününün gizli anbarı": yeraltı toxum xəzinəsinin sirri" - "Daily Mail"

"Anbarın qapısını açanda sanki başqa dünyaya daxil olursan..."

Böyük Britaniyada, Ueykherstdə yerləşən Kyu Bağları ərazisindəki Millenium Toxum Bankı dünyanın "Qiyamət Gününün gizli anbarı" artıq bəzi hissələri ilə jurnalistlər üçün tanıdılıb.

Moderator.az xəbər verir ki, bu barədə "Daily Mail" nəşri yazıb.

BBC-nin jurnalisti Noa Liç bu yerdə olduqdan sonra bildirir ki, anbar təkcə insanlardan qorunan deyil, həm də ekoloji baxımdan olduqca təhlükəsiz bir sığınacaqdır. Burada heç kim normal ziyarət edə bilməz, yeraltı struktur tamamilə qapalıdır və giriş yalnız xüsusi icazə ilə mümkündür.

Toxumlarla dolu "qorunan həyat"

Millenium Toxum Bankı insanları deyil, planetin nadir və təhlükə altındakı bitki növlərini qorumaq üçün yaradılıb. Burada 6,6 tonadək toxum saxlanır və bir çox nümunədən milyonlarla ədəd mövcuddur. Bunlar arasında artıq vəhşi təbiətdə tapılmayan növlər və nəsli kəsilməkdə olan bitkilər də var. 

Toxumlar Selsi üzrə mənfi 20 dərəcədə dondurulmuş vəziyyətdə saxlanılır, təhlükəsizlik sistemi isə hər kəsi 10 dəqiqədən artıq qapalı sahədə saxlamamağa yönəlib  - məqsəd oğurluğu önləmək deyil, insanları donmaqdan qorumaqdır. Liç hətta anbar daxilində ürək dayanması riskinə görə məsuliyyətdən imtina sənədini imzalamaq məcburiyyətində qalıb.

Daşqın, radiasiya və hava hücumuna davamlı

Yerin altında inşa olunan bu anbar daşqına, radiasiyaya və hətta təyyarə zərbəsinə davamlıdır, ona görə də "yaşam gəmisinə" bənzədilir - təbiətin və insanlığın nadir həyat formalarını xarici təhlükələrdən qoruyan nisbətən təhlükəsiz sığınacaqdır. Toxum konteynerləri etiketlənməyib, buna görə də kompüter sisteminə giriş olmadan hər nümunənin dəqiq təyini çətindir.

Qlobal toxum şəbəkəsi

Millenium Toxum Bankı dünyanın ən böyük toxum bankı olsa da, belə 1 700-dən çox anbar mövcuddur. Onlardan ən məşhuru Norveçdə Şpitsbergen arxipelaqında yerləşən Qlobal Toxum Anbarıdır. Burada dünyanın müxtəlif guşələrindən milyonlarla toxum nümunəsi saxlanılır və temperatur daimi olaraq mənfi 18 dərəcə səviyyəsindədir.

Bu anbar "arktik Qiyamət Gününün bunkeri" kimi tanınır və əsas kənd təsərrüfatı bitkilərinin toxumlarını qoruyur. Beləliklə, Millenium Toxum Bankı yalnız toxumların saxlanıldığı bir yer deyil, planetin ekoloji gələcəyini təmin edən, insan müdaxiləsindən uzaq, fövqəladə təhlükəsizlik sisteminə malik bir həyat sığınacağıdır.

Minllenium Toxum Bankında saxlanılan toxumlar 190-dan çox ölkə ilə əməkdaşlıq çərçivəsində toplanıb, xüsusi nəzarət sistemi isə temperatur, rütubət, hava keyfiyyəti və yeraltı vibrasiyaları izləyir. Noa Liçin sözlərinə görə, "Qapını açdıqda sanki soyuq, sakit, hər toxumun öz hekayəsi olan başqa dünyaya daxil olursan".