"Cütlüklər öz münasibətlərini necə qeyri-aşkar zədələyir?" -  Psixoloqdan açıqlama

"Uzunmüddətli əlaqələrdə xoşbəxtliyi özünüz necə sabotaj edə bilərsiniz..."

Uzunmüddətli münasibətlərdə xoşbəxtliyi və yaxınlığı özünüzün bilərəkdən və ya bilməyərəkdən necə zədələyə biləcəyinizi psixoloqlar beş əsas vərdişdə görür. 

Moderator.az xəbər verir ki, bu barədə "YourTango" nəşri yazıb.

Nəşr bu mövzuda ekspertlərin fikirlərini təqdim edib.

1. "Biz heç vaxt mübahisə etmirik" vəziyyəyilə fəxr etmək

Bəzi cütlüklər ətrafdakılara münasibətlərində münaqişələrin olmadığını vurğulayaraq öz əlaqələrinin möhkəmliyini təsdiqləməyə çalışır. Lakin araşdırmalar göstərir ki, münaqişələrdən qaçmaq tez-tez şəxsi ehtiyacların boğulmasına və münasibətlərin hər iki tərəfin real istəklərini əks etdirməməsinə səbəb olur.

2. Tam ayrılmazlıq

Hər an bir yerdə olmaq şəxsi avtonomiyanı əvəz edə bilməz. Hər bir tərəf öz maraqlarını, hobbilərini və sosial əlaqələrini qoruduqda fərdilik hissi güclənir, asılılıq və özünüitirmə riski azalır. Tədqiqatlar göstərir ki, şəxsi həyatı qoruyan cütlüklər bir-birinə daha bağlı və dayanıqlı olurlar.

3. Hər şeyi yalnız uşaqlara bağlamaq

Ailə münasibətləri üzrə mediator doktor Lori Pun bildirir ki, valideyn roluna həddindən artıq fokuslanmaq romantikanı tədricən sıxışdırır. Qottman İnstitutunun araşdırmaları göstərir ki, uşağın dünyaya gəlməsi münasibətlər üçün ciddi sınaqdır: əksər cütlüklər ilk üç il ərzində əlaqədən razılığın azalmasını qeyd edir. Nəticədə gündəlik işlər və vəzifələrin koordinasiyası prioritet olur, dərin söhbətlər və spontan yaxınlıq ikinci plana keçir.

4. Tənha dostların şəxsi həyatına qarışmaq

Başqalarının münasibətlərinə həddindən artıq maraq göstərmək öz həyatınızı yaşamağa mane ola bilər. Araşdırmalar göstərir ki, başqalarının həyatına fokuslanmaq öz ehtiyac və məqsədlərinizdən uzaqlaşmağa və şəxsi xoşbəxtliyi itirməyə səbəb olur.

5. İctimai yerlərdə həddindən artıq sevgi göstərmək

Doktor Puna görə, nümayişkaranə sevgi və fiziki yaxınlıq bəzən daxili qeyri-müəyyənliyi ört-basdır etmək üsulu ola bilər. Fiziki cazibə vacibdir, lakin dərin və dayanıqlı əlaqəni danışıq və emosional yaxınlıq yaradır. Həddindən artıq ictimai nümayişlər gizli qorxuların və bağlanma problemlərinin əlaməti ola bilər.

Beləliklə, münasibətlərin sağlam və davamlı olması üçün münaqişələri konstruktiv yaşamaq, fərdi həyatı qorumaq, uşaqlar və gündəlik işlərlə balans saxlamaq, başqalarının həyatına həddindən artıq müdaxilə etməmək və emosional yaxınlığı ön planda tutmaq vacibdir.