"Vladimir Solovyova qarşı sui-qəsddə ittiham edilənlər ömürlük və uzunmüddətli həbsə məhkum edildi" - BBC

"Təqsirləndirilənlər Rusiyanın Ukraynaya müdaxiləsinə etirazlarını əsas gətirib..."

İkinci Qərb Regional Hərbi Məhkəmə Rusiyanın tanınmış təbliğatçısı Vladimir Solovyova qarşı sui-qəsd planlaşdırmaqda ittiham olunan Andrey Pronskini ömürlük həbs cəzasına məhkum edib. Digər altı nəfər isə 12 ildən 28 ilə qədər həbs cəzası alıb.

Moderator.az xəbər verir ki, bu barədə "bbc.com" nəşri məlumat yayıb.

Pronski və digər məhkumlar: ittihamlar və cəzalar

Pronski terror təşkilatı yaratmaq, terrorçuluğu təbliğ etmək, bomba və silah saxlamaq, ardıcıl yanğınlar təşkil etmək, təşkilatlanmış qrup tərəfindən terror aktı törətmək və Vladimir Solovyova sui-qəsd hazırlamaq ittihamları ilə günahkar bilinib.

Digər altı nəfər isə 12 ildən 28 ilə qədər həbs cəzası alıb: Timofey Moki - 28 il, Vladimir Belyakov - 27 il, Vladimir Stepanov - 26 il, Maksim Drujinin - 25 il, Andrey Volkov - 18 il, Denis Abrarov - 12 il. Prokurorlar 13 ildən 30 ilə qədər həbs tələb edib, Pronski üçün isə ömürlük həbs istənilib.

İstintaqın və məhkəmənin gedişiİstintaqa görə, Pronski 2021-ci ildə neonasist "National Socialism /White Power" təşkilatının qolunu qurub. Onlar əvvəllər hərbi komissarlıqların və avtomobillərin yanğına verilməsi ilə məşğul olublar. İstintaq iddia edir ki, Rusiyanın Ukraynaya müdaxiləsindən sonra təşkilat üzvləri Ukrayna Kəşfiyyat İdarəsi ilə əlaqəyə giriblər.

Pronski məhkəmədə ifadə verməkdən imtina edib, yalnız kitabı ilə bağlı ittihamları qəbul edib. Digər məhkumlar sui-qəsd ittihamını rədd edib, amma yanğın və vandalizmi etiraf edib, hərəkətlərini Rusiyanın Ukraynaya müdaxiləsinə etiraz kimi izah ediblər.

İşgəncələr və məhkəmə ifadələri

Təqsirləndirilənlər iddia edib ki, istintaq zamanı onlara psixoloji və fiziki təzyiq göstərilib, həbs zamanı işgəncələrə məruz qalıblar. Stepanov "Mənimlə kamerada diktofon vardı və onlar məndən ifadə almağa çalışırdılar. Məni döyürdülər, bağlayırdılar, suda boğmağa çalışırdılar…" deyərək yaşadıqlarını açıqlayıb. Andrey Volkov da istintaq zamanı zorakılığa məruz qaldığını, etiraf ərizəsini isə Moskva SİZО-1 əməkdaşı Denis Petrovichin onun əvəzinə yazdığını bildirib.

FTX və Putinin açıqlamaları

Vladimir Solovyova qarşı sui-qəsd planının ilk dəfə ictimaiyyətə 2022-ci ilin aprelində prezident Vladimir Putin açıqlayıb. O, jurnalistlərdən birinə qarşı sui-qəsd hazırlayan terror qrupunun fəaliyyətinin dayandırıldığını bildirib. Bundan dərhal sonra Federal Təhlükəsizlik Xidməti (FTX) altı üzvün saxlanmasını elan edib. 

Xidmət iddia edib ki, saxlanılanlar Ukrayna Təhlükəsizlik Xidmətinin tapşırığı ilə jurnalist Solovyova sui-qəsd hazırlayıb. İstintaq isə Moskva şəhərində onun avtomobilinin partladılmasını planlaşdırdıqlarını açıqlayıb. FTX direktoru Aleksandr Bortnikov isə saxlanılanların hamısının moskvalı olduğunu əlavə edib.