"Makronun Pekin missiyası: Avropanın səsini qorumaq cəhdi" - BBC

"Fransa lideri Çinlə münasibətlərin ən gərgin dövründə Avropanın mövqeyini xatırlatmağa çalışır..."

Siyasi karyerasının son mərhələsində olan Fransa prezidenti Emmanuel Makron Çinə gedərək Si Tszinpini inandırmağa çalışacaq ki, Avropa hələ də ABŞ və Rusiya ilə bərabər söz sahibidir. Ekspertlər bu missiyanın uğur şansını çox aşağı qiymətləndirir.

Moderator.az xəbər verir ki, bu barədə "bbc.com" nəşri yazıb.

Makronun çətin səfəri

Avropa İttifaql ilə Çin arasında münasibətlər Ukrayna müharibəsinə görə ciddi şəkildə korlanıb: Pekin Rusiyanı dəstəkləyir, Avropa isə ABŞ-la birlikdə Çinin texnoloji yüksəlişinə məhdudiyyətlər qoyur. Donald Trampın yenidən hakimiyyətə qayıtması fonunda Avropanın səsi daha da zəifləyib.

İki il əvvəl Avropa liderləri Pekinə ard-arda səfərlər edir, Si ilə dialoqu genişləndirməyə çalışırdılar. İndi isə Makron tək gedir - Ursula fon der Lyayen bu dəfə Pekinə səfərdən imtina edib.

Si- Makron münasibətləri və Parisin gizli ümidləri

Makron Sinin sevdiyi bir avropalı lider olaraq qalır: Fransa səfərlərində ona konyaqdan tutmuş "Tur de Frans" futbolkasına qədər jestlər edib. Bu dəfə Makron Sini növbəti il Fransada keçiriləcək G7 sammitinə dəvət etməyi planlaşdırır.

Beləliklə, Makron qeyri-rəsmi olaraq Pekini Rusiyanın yerini "böyük səhnədə" doldurmağa çağırır. Lakin mütəxəssislər hesab edir ki, Pekinin ABŞ-la strateji rəqabəti fonunda Çin-Rusiya tandemi pozulmayacaq. Çin üçün Moskva hələ də prioritetdir və bu, Avropa üçün ağır nəticələr yaradır.

Avropanın təzyiq rıçaqları və Almaniyanın həlledici rolu

Makronun mövqeləri zəif­ləmiş vəziyyətdədir: Fransada siyasi böhran dərinləşir, onun prezidentlik müddəti isə bitmək üzrədir. Avropa İttifaqının Çin siyasəti isə yenə də parçalanmış vəziyyətdədir - Pekin "parçala və hökm sür" yanaşmasını uğurla istifadə edir.

Ekspertlər hesab edir ki, Avropanın Çinə qarşı sərt mövqeyi yalnız gələcək liderlərin dövründə formalaşa bilər. Həlledici söz isə Almaniyaya məxsus olacaq. 2026-cı ildən etibarən Berlinin yeni siyasi komandasının - kansler Merç, fon der Lyayen və diplomat Erik Kurtsvayl Avropa İttifaqının Çin xəttini müəyyənləşdirəcəyi gözlənilir.