Gürcüstan İsraildən yeni hava hücumundan müdafiə texnikası alır
Dünya
128
16:05, Bu gün

Gürcüstan İsraildən yeni hava hücumundan müdafiə texnikası alır

Ukraynaya məxsus An-124 “Ruslan" yük təyyarəsi İsraildən Gürcüstana Spyder hava hücumundan müdafiə sisteminə aid hərbi yük çatdırıb.
 
Moderator.az xəbər verir ki, bu barədə hərbi müşahidəçilər sosial şəbəkələrdə yayımladıqları görüntülərə istinadən məlumat veriblər.
 
Videolarda İsrailin Tel-Əviv şəhərindəki Ben Qurion hava limanında üç ədəd ZRK Spyder buraxılış qurğusunun təyyarəyə yükləndiyi görülür. Təyyarənin daha sonra Tbilisi Beynəlxalq Aeroportuna endiyi müəyyən edilib.
 
Məlumata görə, Gürcüstan 2008-ci ildə İsrailin “Rafael” şirkətindən Spyder-SR tipli qısa mənzilli zenit-raket kompleksinin bir batareyasını almışdı. Bu sistem Python-5 və Derby tipli “hava-hava” raketlərindən istifadə edir və hava hədəflərini 20 km-ə qədər məsafədə məhv edə bilir.
 
KİV yazır ki, Tbilisiyə gətirilən qurğular mövcud sistemlərin modernizasiyası ilə bağlı ola bilər. Daha əvvəl Gürcüstanın kompleksləri MR versiyasına yüksəltməyi planlaşdırdığı bildirilib. Bu halda raketlərin fəaliyyət radiusu 40 km-ə qədər artırılacaq.
 
Link kopyalandı!
Son xəbərlər