Tramp Maduroya amnistiya vəd edib

Bizi sosial şəbəkələrdən izləyin:

Venesuela rəhbəri Nikolas Maduro könüllü olaraq vəzifəsindən getməsə, Vaşinqton güc tətbiq edə bilər.

Moderator.az xəbər verir ki, ABŞ prezidenti Donald Tramp ötən həftə baş tutan telefon danışığı zamanı bunu Maduroya çatdırıb. "The Wall Street Journal"-ın mənbələrə istinadən yaydığı məlumata görə, Tramp ötən həftə Maduroya bildirib ki, "könüllü olaraq getməsə", ABŞ Venesuela ilə bağlı müxtəlif variantları, o cümlədən güc tətbiqini nəzərdən keçirəcək. Nəşr iddia edir ki, iki lider həmçinin telefonla Maduro və onun yaxın ətrafı üçün mümkün əfv məsələsini də müzakirə ediblər.

Qeyd edək ki, Trampın ilk prezidentlik müddəti ərzində, 2020-ci ilin mart ayında ABŞ Maduro və bir neçə digər hökumət məmurunu narko-terrorizmdə ittiham edərək Venesuela prezidentinin həbsinə və/və ya məhkum edilməsinə səbəb olan məlumatlara görə 15 milyon dollar mükafat təyin edib. 2025-ci ilin avqustund Vaşinqton Maduronun tutulmasına səbəb olan məlumatlara görə mükafatı 50 milyon dollara qədər artırıb. ABŞ Ədliyyə Nazirliyinin məlumatına görə, Venesuela lideri "dünyanın ən böyük narkotik qaçaqmalçılarından biridir" və ABŞ-ın "milli təhlükəsizliyinə təhdid yaradır".

Amerika mediası dəfələrlə ABŞ-ın tezliklə Venesuela ərazisinə zərbələr endirməyə başlaya biləcəyi barədə məlumat yayıb. Tramp əvvəllər Vaşinqtonun "çox tezliklə Venesueladan narkotik qaçaqmalçılığına qarşı mübarizəyə başlayacağını" bildirib, lakin mümkün hərbi əməliyyatlar barədə ətraflı məlumat verməyib. Dünən isə Amerika lideri "Venesuela üzərindəki hava məkanının tamamilə bağlı hesab edildiyini" elan edib.