Reuters: Quş qripi virusu COVID-19-dan daha təhlükəli ola bilər

Quş qripi virusu mutasiyaya uğrayaraq insandan insana keçərsə, COVID-19-dan daha şiddətli pandemiyaya səbəb ola bilər.

Moderator.az xəbər verir ki, bu barədə "Reuters" məlumat yayıb.

Fransadakı Pasteur İnstitutunun Tənəffüs Yolları İnfeksiyalarının Tədqiqi Mərkəzinin direktoru Mari-Anne Rameix-Welti deyib ki, biz virusun məməlilərə, xüsusən də insanlara uyğunlaşacağından və insandan insana keçə biləcəyindən və bu virusun pandemiyaya çevriləcəyindən qorxuruq.

Onun sözlərinə görə, insanlarda müntəzəm mövsümi H1 və H3 qripinə qarşı antitellər var, lakin quş qripi H5-ə qarşı deyil. Oxşar vəziyyət COVID-19 ilə də müşahidə olunub. Bununla belə, ilk növbədə həssas qruplara təsir edən koronavirusdan fərqli olaraq, qrip virusları sağlam insanları, o cümlədən uşaqları da öldürə bilər.

Ekspert qeyd edib ki, dünya COVID-19 ilə müqayisədə bu təhlükəyə daha yaxşı hazırdır.

"Qripin COVID-dən üstünlüyü ondan ibarətdir ki, bizim xüsusi profilaktik tədbirlərimiz var. Bizim hazır peyvənd variantlarımız var və biz onları necə tez istehsal edəcəyimizi bilirik".

Qeyd edək ki, quş qripi A qrip virusunun ştammlarının yaratdığı yoluxucu xəstəlikdir. Xəstəlik bütün dünyada geniş yayılmışdır; vəhşi quşların bir çox növü infeksiyaya asanlıqla dözür, lakin bəziləri, o cümlədən ev quşları, xəstəliyi inkişaf etdirir və insanlara ötürülə bilər.