"Böhran naziri": Dmitriyev necə Putinin vasitəçisinə çevrildi" - "Deutsche Welle"

"Kirill Dmitriyev Putinin emissarı kimi Rusiya diplomatiyasında xüsusi rol oynayır..."

Rusiya Birbaşa İnvestisiya Fondunun (RBİF) rəhbəri getdikcə daha vacib vasitəçiyə çevrilir və onun Putinin sevimli emisarına çevrilməsi həm ABŞ, həm də ərəb ölkələri ilə güclü əlaqələrinə əsaslanır.

Moderator.az xəbər verir ki, bu barədə "dw.com" nəşri yazıb.

Kreml üçün diplomatik kanal

2025-ci ilin yanvarından Dmitriyev Ukrayna sülhü və Rusiya-ABŞ münasibətlərində əsas vasitəçilərdən biridir. Fevralda Putin onu xarici ölkələrlə investisiya-iqtisadi əməkdaşlıq üzrə xüsusi nümayəndəsi təyin edib. Ekspertlər hesab edir ki, Dmitriyev ABŞ xüsusi nümayəndəsi Stiven Uitkoff ilə əlaqə üçün Kremlin əsas kanalıdır.

Karyera və sosial əlaqələr

Kiyevdə anadan olan Dmitriyev Stanford məzunudur, ABŞ-da qısa müddət çalışdıqdan sonra Rusiyada və Ukraynada investisiya fondlarında uğurla karyera qurub. RBİF rəhbəri postuna 2011-ci ildə təyin olunub və bu səbəbdən müharibənin başlanğıcında sanksiyalara məruz qalıb. Sosial əlaqələri, xüsusən də Putinin qızı Katerina Tixonova ilə həyat yoldaşı vasitəsilə qurduğu yaxın münasibətlər onu beynəlxalq səhnədə Moskva üçün vacib vasitəçiyə çevirib.

Putinlə diqqət çəkməsi və Lavrovla fərqi

Dmitriev Trampın ilk dövründən ABŞ-la əlaqələrdə vasitəçilik edir və Ukrayna müharibəsindən sonra 2023-cü ilin dekabrında Putinin Səudiyyə Ərəbistanı və BƏƏ səfərini təşkil edərək beynəlxalq səhnədə səmərəliliyini göstərib.

Siyasi ekspertlər onu "böhran xarici işlər naziri" adlandırır, çünki o, ABŞ-Rusiya arasında danışıqlar lazım olan anlarda önə çıxır, Lavrov isə Putinin daxili əhvalına uyğun sərt xətt aparır. Son səfərdə isə Uitkoff yalnız Dmitriyev və Uşakovla görüşüb, Lavrov iştirak etməyib. Bu isə hələlik Rusiyanın gələcək diplomatiyasının hansı vasitəçiliklə bağlı olacağını göstərmir.