"Şoyquya qəbiristanlıqda sui-qəsd planlaşdırılıb" - Rusiya KİV-ləri

Nevzorov: "Hekayə "axmaqlıq və teatr" qoxusu verir"

Rusiya mediasının məlumatına görə, diversant qrup Sergey Şoyquya sui-qəsd planlaşdırıb - hadisə Moskvanın Troyekurov qəbiristanlığında baş verəcəkmiş. Bu barədə noyabrın 17-də "Moskovski komsomolets" qəzeti yazıb.

Noyabrın 14-də həmin qəzet Federal Təhlükəsizlik Xidmətinə istinadla bildirib ki, Ukrayna xüsusi xidmətlərinin Rusiya dövlətinin yüksək vəzifəli şəxsinə qarşı terror aktı hazırladığı iddia olunur. Potensial qurbanın adı açıqlanmayıb, lakin FTX çiçəklərlə dolu vaza göstərib, içində kamuflyaj olunmuş kamera var imiş və "videonu xaricə ötürmək imkanı"na sahib olub.

Rusiya xüsusi xidmətlərinin versiyasına görə, sui-qəsdi narkotikdən asılı olan Rusiya vətəndaşları olan cütlük və Kiyevdə yaşayan axtarışda olan şəxs həyata keçirməliymiş. FTX-nın məlumatına görə, sui-qəsd rəsmi şəxsin yaxın qohumlarının qəbrini ziyarət edərkən baş verməliymiş, amma necə həyata keçiriləcəyi açıqlanmayıb.

Sui-qəsdin həqiqətən planlaşdırılması və Ukrayna tərəfindən hazırlanması barədə heç bir sübut təqdim edilməyib. Bunun əvəzinə Rusiya təbliğatına xas açıqlamalar səslənib: "Ukrayna xüsusi xidmətləri Qərb kuratorlarının rəhbərliyi altında işləyir". Bu gün RBC qəzeti sui-qəsdin hazırlanmasında iştirak edən şəxslərdən birinin adını açıqlayıb, bu, Cəloliddin Şamsovdur.

Rusiya müxalifətçisi Aleksandr Nevzorov isə belə deyib: "Sui-qəsd" son vaxtlar FTX-nın uydurduğu və ekranlaşdırdığı hər şey kimi axmaqlıq və teatr qoxusu verir. Həqiqətən də, ssenarinin cilalanması ilə çekiçtlər özlərini yormur: Rusiya elə bir deqradasiya mərhələsindədir ki, xalq hər hansı boşboğazlığı "asanlıqla həzm edir".

Nevzorov əlavə edib: "Əlbəttə, "sui-qəsdçilər" Rusiyanın ən amansız düşmənlərinin duumviratını ("iki nəfər" mənasındadır-red.) - Orta Asiyadan olan miqrant və Kiyev sakinini təmsil edir. Onlar FTX-nın "döyüşçü qanunlarına" uyğun olaraq tam çıplaq vəziyyətdə tutulub. İndi bu bədbəxtlər Lissabon zəlzələsi, Mars planetinin oğurlanması və "Kujüqetoviçə sui-qəsd" barədə etiraf edilənədək "emal"olunacaq".

Moderator.az