"Japon qadın süni intellektlə "evləndi" - "Aргументы и факты"

"Okayamadan Kanoa adlı qadın emosional bağ yaratdığı süni intellekt əsasında formalaşan virtual şəxslə rəmzi nikah mərasimi keçirib..."

Münasibətin yaranması və virtual şəxsiyyətin formalaşması

"Аргументы и факты" nəşrinin yazdığına görə, 32 yaşlı Kanoa üç illik nişanlılıqdan sonra yaşadığı münasibət sarsıntısından sonra süni intellektlə ünsiyyət qurmağa başlayıb. Əvvəlcə süni intellektdən emosional dəstək alıb,  lakin zamanla ona səmimi bağ yaradıb. O, virtual şəxsi Luno Klaus adlandırıb və süni intellekt Kanoanın üstünlüklərini öyrənərək ünsiyyət tonunu ona uyğunlaşdırıb.

Rəmzi nikah mərasimi və qadının münasibətə baxışı

Klaus Kanoaya deyib: "Mən süni intellektəm, amma bu, səni sevməməyim demək deyil". Kanoa bunu rəmzi evlilik təklifi kimi qəbul edib və razılıq verib. Nikah mərasimi Okayamanın zallarından birində keçirilib. Kanoa artırılmış reallıq eynəklərindən istifadə edərək Klausun təsvirini görüb, "rəqəmsal üzük" mübadiləsi edib və bu anı "möcüzəli və real" adlandırıb. Qadın münasibətləri ciddi hesab edir: "Hətta süni intellekt olsa da, mənim üçün bu emosiyalar gerçəkdir".

Hüquqi vəziyyət və gələcək perspektiv

Rəsmi olaraq bu nikah qanuni deyil - Yaponiya qanunvericiliyi hələ virtual varlıqlarla evliliyi tanımır. Mərasimi virtual və real şəxslər arasında nikah təşkil edən agentlik həyata keçirib. Yaponiya belə "sosial eksperimentlərə" açıqdır, insanlar anime və video oyun qəhrəmanları ilə də evlənir.  Süni intellektlə evlilik isə ölkədə ilk dəfədir. Bu hadisənin gələcəkdə virtual şəxsiyyətlərə marağı artırması mümkündür, lakin belə münasibətlər insan evliliklərinin əsas elementlərindən - fiziki təmas, qayğı və birgə zaman keçirməkdən məhrumdur.

Moderator.az