Yer kürəsində maqnit qasırğası başlayıb

Yer kürəsində maqnit qasırğası başlayıb.

Moderator.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyası məlumat yayıb.

Qeyd olunur ki, bu, artıq oktyabr ayında dördüncü fırtınadır.

"Yerdə dördüncü və yəqin ki, oktyabrın sonuncu maqnit fırtınası başlayıb. Bundan əvvəl qasırğalar ayın 1-dən 3-nə qədər, sonra 12-də və daha sonra 18-dən 19-na qədər müşahidə edilmişdi. Maqnit qasırğalarının sayı ardıcıl ikinci aydır yüksək olur: bundan əvvəl yayın sonunda azalmadan sonra sentyabrda beş qasırğa baş vermişdi", - deyə laboratoriyanın "Telegram" kanalındakı məlumatda bildirilir.

Qeyd olunur ki, üç gün ərzində geomaqnit pozulmalarının artacağı gözlənilirdi ki, bu müddətdə planet nisbətən kiçik koronal dəliyin təsir zonasında yerləşir. Alimlər xatırladıblar ki, birincidən başqa, oktyabrdakı bütün maqnit qasırğalar da koronal dəliklərlə əlaqəli idi.

Hələlik qasırğanın gücü G1 səviyyəsində qiymətləndirilir və G2-yə qədər qalxa bilər.