"Rusiya qoşunlarının komplektləşdirilməsində problemlər yaranıb, Putin seçim qarşısındadır" - ISW

"Kremlin ənənəvi "pulla cəlbetmə" strategiyası tükənir..."

Rusiyada könüllü müqavilə ilə hərbi xidmətə daxilolma kəskin azalıb, pul təklifləri artıq kifayət etmir.

Moderator.az xəbər verir ki, bu barədə Amerikanın Müharibənin Öyrənilməsi İnstitutunun (İSW) hesabatında deyilir.

Məcburi səfərbərlik, yoxsa real danışıqlar?" 

Analitiklər qeyd edir ki, yeni müqaviləçilərin əksəriyyəti xroniki xəstəlikləri olan və ya çox yaşlı şəxslərdir. Bu vəziyyət Kremlin qarşısına iki əsas seçimi çıxarır: ya məcburi ehtiyat səfərbərliyinə əl atmaq, ya da müharibənin başa çatdırılması barədə real danışıqlara başlamaq.

Pul motivasiyası artıq işləmir

Qeyd edilir ki, hətta Xantı-Mansiysk muxtar dairəsində 3,2 milyon rubl (təxminən 39 300 dollar) birdəfəlik bonus təklif olunmasına baxmayaraq, yeni rekrut axını müşahidə edilmir. Sverdlovsk vilayətində martda birdəfəlik ödəmə 3,1 milyon rubla yüksəldilsə də, növbələr yaranmayıb. Müsahibələr göstərir ki, artıq "pulla cəlb edilə biləcək" insanlar rekrutlaşdırılıb və qalan potensial kadrların motivasiyası maliyyə xarakterlidir.

"Sakit" təbliğat və aldatma taktikası

Müdafiə Nazirliyi və regional strukturlar yeni rekrutları cəlb etmək üçün reklam kampaniyalarına əl atır. Məsələn, İrkutskda yayılan çağırışlarda bildirilir ki, "müharibə tezliklə bitəcək, elə indi milyonlarınızı qazanın". Eyni zamanda gələnlərə illik maaş göstəriciləri kimi maksimum rəqəmlər təqdim edilir, lakin onları birbaşa cəbhəyə göndərdikdə bu rəqəmlər çox vaxt absurd görünür. Bu taktika ABŞ-Rusiya sammiti ərəfəsində xüsusilə aktivləşdirilib.

İki seçim və mümkün ssenarilər

ISW vurğulayır ki, artan maliyyə stimulları və genişlənən sosial paketlər əsasən axının azalmasını əks etdirir. Əgər toplama tempi belə davam edərsə, Putin qarşısında iki yol qalır: məcburi ehtiyat səfərbərliyini elan etmək, ya da real danışıqlara başlamaq.

Eyni zamanda bəzi analitiklər hesab edir ki, Moskva Avropaya qarşı hibrid əməliyyatlar - kiberhücumlar, logistika infrastrukturlarına zərbələr və dron-təxribatlar törədə bilər. Ukraynanın cəbhədəki irəliləyişləri isə Kiyevin mövqeyini gücləndirir. Hal-hazırki meyl onu göstərir ki, Kremlin ənənəvi "pulla cəlbetmə" strategiyası tükənir və istənilən qərar həm daxildə, həm beynəlxalq müstəvidə ağır nəticələr doğura bilər.