Əfqanıstanda dəhşətli zəlzələ: Ölənlərin sayı 800-ə çatdı, 2500 nəfər yaralandı - YENİLƏNİB

Bizi sosial şəbəkələrdən izləyin:

Əfqanıstanda baş verən zəlzələ nəticəsində ölənlərin sayı 800-ə çatıb, 2500 nəfər yaralanıb.

Moderator.az TASS-a istinadən xəbər verir ki, bu barədə ölkə hökumətinin rəsmi nümayəndəsi Zəbihullah Mücahid mətbuat konfransında bildirib.

"Hazırda yerli hakimiyyət orqanları və əyalət sakinləri qurbanların xilas edilməsi ilə məşğuldur. Mərkəzdən və qonşu əyalətlərdən olan xilasetmə qrupları da dağıntı ərazisinə gedir", - Mücahid deyib.

09:40

Əfqanıstanın şərqində baş vermiş zəlzələ nəticədə 500-dən çox insan həlak olub, minlərlə insan yaralanıb, Kunar və Nangarharda xilasetmə əməliyyatları aparılır.

Moderator.az xəbər verir ki, bu barədə Əfqanıstan mətbuatı məlumat yayıb.

08:48

Əfqanıstanın Nanqarhar vilayətinin mərkəzi rayonu Cəlalabad yaxınlığında baş vermiş altı bal gücündə zəlzələ azı 250 nəfərin həyatına son qoyub.

Moderator.az xarici KİV-ə istinadən xəbər verir ki, ABŞ Geoloji Xidməti 6 bal gücündə zəlzələnin ölkənin Pakistanla sərhədi yaxınlığında baş verdiyini açıqlayıb.

Zəlzələnin episentri yerin 8 kilometr dərinliyində yerləşib.

***

Əfqanıstanın şimal-şərqində baş verən 6 maqnitudalı zəlzələ nəticəsində ən azı doqquz nəfər həlak olub.

Moderator.az xəbər verir ki, bu barədə "BNO News" məlumat yayıb.

ABŞ Geoloji Xidmətinin məlumatına görə, seysmik hadisə yerli vaxtla saat 23:47-də (Bakı vaxtı ilə 23:17 - red.) Hindiquş bölgəsində qeydə alınıb, təbii fəlakətin ocağı təxminən 10 km dərinlikdə yerləşib. Episentr təxminən 280 000 nəfərin yaşadığı Cəlalabad şəhərindən 42 km məsafədə, dağlıq ərazidə yerləşib.

Əyalətin səhiyyə məsələləri üzrə "Taliban" hökumətinin nümayəndəsinin sözlərinə görə, Nanqarhar və Kunarda doqquz ölüm hadisəsi qeydə alınıb, daha 25 nəfər yaralanıb, xilasetmə əməliyyatları davam edir.

Zəlzələnin təsirləri geniş ərazidə, o cümlədən Hindistanın Nyu-Delhi şəhərində hiss edilib.