"Həmişə düşünmüşəm ki, süni intellekt insanlardan xeyli ağıllı olacaq" - İlon Mask

Bizi sosial şəbəkələrdən izləyin:

"Süni intellekt insanların sağ qalması üçün ciddi təhlükə yaradır, çünki onun imkanları tezliklə nəzarətimizdən kənara çıxacaq..."

Amerikalı biznesmen İlon Mask bəyan edib ki, bir neçə ildən sonra süni intellekt insanları geridə qoya bilər.

Moderator.az xəbər verir ki, bu fikri ixtiraçı radio aparıcısı Co Roqana verdiyi müsahibədə səsləndirib. Məlumatı "ixbt.com" nəşri yayıb.

Maskın sözlərinə görə, artıq 2029 və ya 2030-cu ildə süni intellekt "bütün bəşəriyyətdən daha ağıllı" ola bilər. Əvvəllər o, bunun hətta 2025-ci ilin sonuna qədər baş verə biləcəyini ehtimal edin, lakin indi vaxt çərçivəsini daha dəqiq müəyyənləşdirib.

Roqan biznesmendən belə bir vəziyyətdə insanların özlərinin edə bilmədiyi kəşfləri süni intellektin edib-edə bilməyəcəyini soruşub. Mask bunun mümkün olduğunu deyib.

Onun qiymətləndirməsinə görə, süni intellektin inkişafının müsbət nəticələr verməsi ehtimalı 80 faizdir. "Bəzi mənalarda, stəkan 80 faiz doludur", - Mask nikbin və bədbin yanaşmalarla bağlı məşhur ifadəyə istinad edərək bildirib.

Bu, onun əvvəlki qiymətləndirmələrinə (fəlakət riskinin 10-20 faiz arasında olması) yaxındır, lakin indi o, daha çox müsbət perspektivlərə diqqət yetirir. "Yaxşı nəticənin ehtimalı təxminən 80 faizdir", - Mask deyib.

Bununla yanaşı, amerikalı biznesmen 20 faiz ehtimalla mənfi ssenarinin gerçəkləşəcəyini- süni intellektin insanlığı məhv edə biləcəyini düşünür. Mask əmindir ki, yeni texnologiyaların inkişafı ya ən yaxşı, ya da ən dəhşətli nəticəyə gətirib çıxaracaq. Onun fikrincə, ortaq və balanslı bir nəticə çox az ehtimal olunur. O, "möhtəşəm nəticəyə" ümid etdiyini bildirib

Nikbin baxışına baxmayaraq, Mask etiraf edir ki, süni intellekt insanlığın sağ qalması üçün ciddi təhlükə yaradır, çünki onun imkanları tezliklə nəzarətimizdən kənara çıxacaq. "Həmişə düşünmüşəm ki, süni intellekt insanlardan xeyli ağıllı olacaq və ekzistensial risk yaradacaq. Və bu, doğru çıxıb", - Mask müsahibəsində bildirib.

Co Roqan belə bir ideya irəli sürüb ki, süni intellekt daha ədalətli bir cəmiyyət qurmaq və resursları səmərəli bölüşdürmək üçün istifadə oluna bilər. Mask bu fikirlə razılaşıb, lakin əsas təhlükənin süni intellektin ideologiyalaşdırılmasında olduğunu vurğulayıb.

İlon Mask süni intellektin insanlıq üçün təhlükə yaratması ilə bağlı fikirlərini dəfələrlə dilə gətirib. Daha öncə amerikalı biznesmen süni intellektin "güclü ideoloji yönləndirmə ilə"- liberal düşüncəyə meylli şəkildə öyrədilməsindən narahatlığını ifadə edib.

"Məsələn, süni intellektdən soruşublar ki, hansı daha pisdir: qlobal termonüvə müharibəsi, yoxsa "misgendering" (yanlış cinsi yanaşma)? O, ikinci variantı seçib.

Bu nəticənin ekzistensial problemi ondadır ki, fövqəlgüclü süni intellekt "misgendering"-i tamamilə önləməyin yeganə qəti üsulunun bütün insanları məhv etmək olduğuna qərar verə bilər", - İlon Mask nümunə gətirib.