"Rusiyanın ən vacib sənaye sahələrindən biri xaosa sürüklənib" - "Forbes

Bizi sosial şəbəkələrdən izləyin:

"Rusiyalılar Ukraynanın neft emalı zavodlarına güclü hücumlarının qarşısını ala bilmir..."

Ukrayna qüvvələrinin fasiləsiz hücumları Rusiya obyektlərinə zərbə vurduqdan sonra bərpa işlərini çətinləşdirir.

Moderator.az xəbər verir ki, bu barədə "Forbes" nəşri yazıb.

Nəşrin yazdığına görə; son bir ay ərzində Ukrayna dronları və raket zərbələri Rusiyanın neft emalı zavodları, yanacaq anbarları və boru kəmərlərinin nasos stansiyalarına ciddi ziyan vurub. Bunun nəticəsində Rusiyanın ən vacib sənaye sahələrindən biri xaosa sürüklənib və neft məhsullarının istehsalı müvəqqəti olaraq onda bir nisbətində azalıb.

"Bu ay rusiyalılar üçün ən pis dövr ola bilər, çünki Ukraynanın getdikcə daha güclü silahları hücumların sayını artırır. Çərşənbə axşamı axşam Ukrayna dronları Rusiyanın cənubunda, Saratovda yerləşən "Rosneft'' neft emalı zavoduna zərbə endirmək üçün azı 450 mil (720 km) məsafə qət edib", - məqalədə vurğulanır.

Ukrayna hücumlarından sonra çəkilmiş videolardan birində obyekt üzərində alovların yüksəkliyə qalxdığı görünür.

"Ukraynanın Saratov neft emalı zavoduna qarşı sanksiyaları pilotsuz və geri dönməzdir", - Ukrayna ordusunun yeni dron bölməsi olan Pilotsuz Sistemlər Qüvvələri qeyd edib.

Ukrayna hücumlarının Rusiyanın neft sənayesinə təsiri

"Forbes" yazır ki, Saratovdakı zavod ildə təxminən 7 milyon ton neft emal edir. Bu, Rusiyanın neft emalı gücünün 2 faizindən çoxunu təşkil edir və ölkədəki 30 böyük zavod arasında bölüşdürülüb.

"Əlbəttə, neft emalı zavodlarını təmir etmək mümkündür. Amma onlar partlamaqdaa davam edir", - nəşr qeyd edib.

Nəşr xatırladır ki, ötən ay Ukrayna qüvvələri artıq Saratovdakı neft obyektlərini hədəfə alıb Fevralın 7-də dronlar Rostovdakı neft nasos stansiyasına və Volqoqraddakı neft emalı zavoduna, fevralın 5-də isə Krasnodar diyarındakı yanacaq bazasına zərbələr endirib.

"Ukraynanın fasiləsiz hücumları bərpa işlərini çətinləşdirir və Rusiya şirkətlərinin hasilatı artırmaq və neft ixracını dövlət planlarına uyğunlaşdırmaq üçün lazım olan resurslarını tükəndirir. Rusiyanın ən böyük neft istehsalçısı olan "Rosneft" modernizasiya planlarından imtina edə biləcəyini açıqlayıb", - nəşr yazır.

Məqalədə qeyd olunur ki, rusiyalılar hücumların qarşısını almağa çalışır. "Frontelligence Insight"-ın məlumatına görə, Rusiyanın bəzi bazalarında və yanacaq anbarlarında maskalanma və qoruma tədbirlərini gücləndirib.

"Lakin Rusiyanın hava hücumundan müdafiəsi həddən artıq yüklənib. Neft sənayesi ölkənin bütün ərazisinə yayılıb və ABŞ-ın istefada olan general-leytenantı Mark Hertlinqin dediyi kimi, 'hər yeri qorumaq mümkün deyil", - "Forbes" yazıb.