İsrail və Livan razılığa gəldlər: Sazişin detalları

Bizi sosial şəbəkələrdən izləyin:

İsrail və Livan hərbi əməliyyatları dayandırmaq üçün şərti olaraq razılığa gəliblər.

Bu barədə "Axios" portalı məlumat yayıb.

Məlumata görə, İsrailin hərbi-siyasi kabineti razılaşmanın şərtlərinə noyabrın 26-da baxacaq. Sazişə əsasən, ABŞ-nin rəhbərlik etdiyi nəzarət komitəsi yaradılacaq. Bu komitə sövdələşmənin icrasına nəzarət edəcək və mümkün pozuntuların aradan qaldırılması üçün tədbirlər görəcək.

ABŞ, həmçinin İsrailə Livan ərazisindən gələn təhdidlərə qarşı hərbi əməliyyatlar aparmaq üçün dəstək və zəmanət verəcək. Bu, "Hizbullah"ın sərhəd yaxınlığında hərbi mövcudluğunun bərpa edilməməsi və silah qaçaqmalçılığının qarşısının alınmasını əhatə edir.

Razılaşmaya görə, İsrail ABŞ ilə məsləhətləşmələr apardıqdan və Livan ordusunun təhlükələri aradan qaldırmadığı təqdirdə yenidən hərbi əməliyyatlara başlaya biləcək.

Tərəflər ABŞ vasitəçiliyi ilə İsrail ordusunun Livanın cənubundan çəkiləcəyi və Livan ordusunun sərhəd bölgələrində yerləşdiriləcəyi 60 günlük keçid dövrünü nəzərdə tutan atəşkəs sazişi layihəsini müzakirə edirlər. "Hizbullah" isə ağır silahlarını və birləşmələrini Litani çayının şimalına, sərhəddən 30 kilometr uzaqlığa köçürməlidir.

09:46

"İsrail Livanın "Hizbullah" hərəkatı ilə təklif olunan atəşkəs sazişini ilkin olaraq təsdiqləyib".

Bu barədə "Ynet" portalı mənbələrə istinadən məlumat yayıb.

Bildirilir ki, saziş Nazirlər Kabinetinin son təsdiqinə təqdim olunacaq.

"İsrail Nazirlər Kabinetinin yekun qərarı şərti ilə Livanda nizamlama sazişinin imzalanmasına yaşıl işıq yandırıb", - deyə nəşrdə qeyd olunur.

O da qeyd olunur ki, ABŞ Prezidenti Co Baydenin məsləhətçisi Amos Hohşteyn Təl-Əvivin atəşkəsə razılığı barədə Beyrutu məlumatlandırıb.