Narin cinayəti ilə bağlı tükürpədən FAKT - Xəyanətin üstü məhkəmədə açıldı

Bizi sosial şəbəkələrdən izləyin:

Bu gün Türkiyədə öldürülən 8 yaşlı Narin Güranın məhkəməsi keçirilib.

Türkiyə mətbuatının yaydığı xəbərə görə, Diyarbəkirdə itdikdən 19 gün sonra dərə yatağında çuval içində cansız cəsədi tapılan Narin Güranın qətli ilə bağlı məhkəməyə verilən anası Yüksel, böyük qardaşı Enes və əmisi Səlim Güran və Nevzat Bəxtiyarın , ömürlük həbs istəyi ilə mühakimə olunduğu iddianın ilk məhkəməsi keçirilib.

İclasda ilk olaraq şahid Nevzat Bəxtiyar danışdırılıb.

Bəxtiyar iclasda "Səlim mənə "Narinin anası ilə cinsi əlaqədə olarkən Narin gördü " ifadələrini işlədib.

Bu etirafdan sonra Narinin atası məhkəmədə göz yaşlarını saxlaya bilməyib.

Şahid Nevzat Bəxtiyarla hakim arasında baş verən dialoq:

Hakim: HTS qeydlərinə görə soruşuram: 15:08-də sən Salimlə görüşürsən, 15:15-də Narin gəlir, bəs necə olur ki, 15:08-də Yüksel Güran sənin yanında olarkən o, cinsi əlaqədə olur? Zaman uyğun gəlmir.

Nevzat Bəxtiyar: Mən Səlimi yalnız evimin həyətində suvarma edərkən gördüm, 10-15 dəqiqə sonra yuxarıdan gəlirdi. Salim evə daxil olanda mənə dedi ki, "Narini yox elə."

Hakim: Əksik hissələr var, açıqlama ver.

Nevzat Bəxtiyar: Salim mənə dedi ki, parçalayaraq çaya at.

Hakim: Daha əvvəl belə bir şey etmisənmi? Bu soyuqqanlılıq haradan gəlir?

Nevzat Bəxtiyar: Məni hədələdiyi üçün bunu etmək məcburiyyətində qaldım. Silahla məni hədələdi. "Oğlun Məhəmmədin və sənin başına güllə ilə vuraram." dedi. Mən də qorxdum.

Hakim: Evdə Enesi və Yükseli gördünmü?

Nevzat Bəxtiyar: Yox, görmədim. Salim çölə çıxdı, ədyal gətirdi. Mən evdə tək idim, heç kimi görmədim. Sonra Salimlə uşağı ədyala bükdük. Daha sonra mənim maşınıma yaxınlaşdıq, o vaxt heç kim bizi görmədi. Qırmızı maşınıma qoydum. Bu zaman Yükseli yuxarıdan gördüm, ağlayırdı.

Hakim: Adyala bükdükdən sonra Salim nə etdi?

Nevzat Bəxtiyar: O da maşınla çıxdı.

Hakim: Yenə soruşuram, tövləyə nə zaman getdin?

Nevzat Bəxtiyar: Adyalı kisəyə qoymaq üçün tövləyə getdim. Bu Salimin planı deyildi, ağlıma gəldi. Mən kisəyə qoydum.

Hakim: Narinin paltarları üstündə idi?

Nevzat Bəxtiyar: Bəli, qara köynəyi və çantası var idi.

Hakim: Salimin maşınından DNT var. Maşında, adyalda nəmlik varmı?

Nevzat Bəxtiyar: Bilmirəm, xatırlamıram.(milli.az)