ABŞ-ın yeni prezidenti Putinə qələbə "bəxş edəcəkmi"? - Ukrayna prezidentinin Ofisi

Bizi sosial şəbəkələrdən izləyin:

"Prezident Zelenskinin ABŞ prezidenti postuna hər iki namizədlə çox yaxşı münasibətləri var..."

ABŞ-ın yeni prezidenti Rusiya diktatoru Vladimir Putinə müharibədə Ukrayna üzərində qələbə "bəxş edə bilməz".

Moderator.az xəbər verir ki, bu barədə Ukrayna prezidenti Ofisinin rəhbəri Andrey Yermak "1+1" telekanalının aparıcısı Natalya Moseyçukla söhbətində bəyan edib. Məlumatı "comments.ua" nəşri yayıb.

Yermak qeyd edib ki, Ukrayna liderinin ABŞ prezidenti postuna hər iki namizədlə- həm Kamala Harris, həm də Donald Trampla yaxşı münasibətləri var.

"Nyu-Yorkda BMT Baş Assambleyasının iclasında iştirak etdikdən sonra prezident Zelenski Ağ Evdə, Konqresdə Qələbə planını vitse-prezident Kamala Harrisə təqdim edib. Bundan sonra Nyu-Yorkda Donald Trampla görüşüb. Mən bu görüşlərdə iştirak etmişəm və prezidentin hər ikisi ilə çox yaxşı münasibətlərinin olduğunu dəqiq bilirəm", - Yermak əmin edib.

O, əlavə edib ki, Birləşmiş Ştatlarda seçkilər ərəfəsində bu görüşlərin təfərrüatlarını açıqlaya bilməz.

"Amma mən sizə dəqiq deyə bilərəm ki, bunlar, sadəcə, formal, çox yaxşı şəxsi münasibətlər deyil. İnanın ki, biz Ukraynaya bu təəssüratlarla dönmüşük ki, ABŞ prezidentlərindən heç birinin Putinə qələbə bəxş etməyə hazır olduğuna inanmıram", - o, deyib.