"Haniyəni Tehranda qətlə yetirməklə İsrail bir güllə ilə iki dovşan vurub..."

 

"Son aylar Haniyə müxtəlif ölkələri ziyarət edəib və mübadilə sövdələşməsi üzrə danışıqlarda iştirak edib..."

 

HƏMAS Siyasi Bürosunun rəhbəri İsmayıl Haniyə iyulun 31-nə keçən gecə, çərşənbə günü Tehranda qətlə yetirilib. Qətl əməliyyatının İsrail tərəfindən törədildiyi güman edilir.

 

Moderator.az xəbər verir ki, bu barədə "vesty.co.il" nəşri yazıb.

 

İran bunu ağrılı cavabla təhdid edir, dünya isə mümkün regional müharibədən ehtiyatlanır. 

 

Sual meydana çıxır: nədən HƏMAS liderinin aradan götürülməsi üçün məhz İran İslam Respublikasının paytaxtı seçilib?

 

Xatırladaq ki, Haniyə son aylar müxtəlif ölkələri ziyarət edib, mübadilə sövdələşməsi və Qəzzada atəşkəslə bağlı danışıqlarda iştirak edib. 

 

O cümlədən, o, İstanbulda Türkiyə prezidenti Rəcəb Tayyib Ərdoğanla görüşüb, Misiri ziyarət edib və müntəzəm olaraq Qətərin paytaxtı Dohada olub.

 

Buna baxmayaraq, Haniyənin qətlinin həyata keçirilməsi üçün məhz İranın yeni prezidentinin andiçmə mərasimində iştirak etmək üçün gəldiyi Tehran seçilib.

 

Belə şəraitdə onun aradan götürülməsi qəddar ayətüllah rejiminin beynəlxalq səviyyədə alçaldılması olub.

 

Yerin seçilməsinin səbəbi kifayət qədər maraqlıdır. İsrail Qətər qarşısında HƏMAS rəhbərliyinin aradan götürülməsi əməliyyatının Fars körfəzinin bu ölkəsinin ərazisində keçirilməyəcəyi barədə öhdəlik götürüb. Ona görə də Haniyə ilə bağlı əməliyyatın keçirilməsi imkanları son dərəcə məhdud olub.

 

Ehtimal ki, İsrail analoji əməliyyatın İsrailin Qəzzada HƏMAS-la apardığı müharibəni qətiyyətlə pisləyən və bu münaqişəyə müdaxilə edə biləcəyini bəyan edən prezident Ərdoğanla münasibətləri mürəkkəbləşdirmək üçün Türkiyə ərazisində həyata keçirilməsindən yayınıb. Həm də Türkiyə NATO-nun üzvüdür, belə qəddar əməliyyatın onun ərazisində keçirilmə ehtimalı praktiki olaraq sıfra bərabərdir.

 

Faktiki olaraq Tehranın seçilməsi onunla maraqlıdır ki, İsrail "bir güllə ilə iki dovşan vurub". Həm HƏMAS-ın ən yüksək vəzifəli liderini xaricdə aradan götürüb, həm də İran rəhbərliyinə heç kimin özünü təhlükəsizlik şəraitdə hesab edə bilməməsi siqnalını göndərib.

 

Bununla da aydın mesaj göndərilib ki, əgər İran terrorçu təşkilatları qəbul etməkdə davam edəcəksə, bunun yüksək bədəlini, həm də öz ərazisində ödəməli olacaq. 

 

Haniyənin Tehranda aradan götürülməsi həmçinin İrana onun kəşfiyyat nöqteyi-nəzərindən

kövrək, İsrailin əllərinin isə uzun olduğunu xatırladır.

 

İran, görsənir ki, 2024-cü ilin aprelində gözlədiyi nəticələrə nail olmadığına rəğmən İsrailə raket və PUA-lar zərbələrindən sonra özünün gücü və məğlubedilməzliyi hissindən meyxoş olub. 

 

İranın Milli Təhlükəsizlik Nazirliyinin istefaya gedən rəhbəri İsmayıl Hatib cəmi bir həftə öncə bəyan edib ki, onun bu vəzifədə olduğu zaman fəaliyyətinin başlıca nailiyyəti "Mossadın İranda gizli şəbəkəsinin darmadağın edilməsidir". 

 

İndi isə onun sözləri rejim əleyhdarları arasında gülüş doğuracaq, Haniyənin aradan götürülməsi isə İsrailin İran İslam Respublikasının ürəyində keçirilən əməliyyatların uzun siyahısına daxil ediləcək.