"Hemmenin təqsirinin yeganə sübutu bunu etiraf etməsi olub, bu etirafı o, ruhi xəstəxanada olarkən güclü trankvilizatorların təsiri altında olanda edib..."

 

ABŞ-da məhkəmə qətl ittihamı ilə ömürlük həbs cəzası verilən və 43 ilini dəmir barmaqlıqlar arxasında keçirən 64 yaşlı Sandra Hemme barəsində verilən hökmü ləğv edib və onun azadlığa buraxılması üçün göstəriş verib.

 

Moderator.az xəbər verir ki, bu barədə "bbc.com" nəşri məlumat yayıb.

 

Vəkillərin verdiyi məlumata görə, söhbət ABŞ tarixində saxta hökm səbəbindən qadının ən uzun müddət həbsdə olmasından gedir. 

 

Hemme həbs müddətini 1980-cı ildə ABŞ-ın Missuri ştatının Sent-Cozef şəhərindəki kitabxana əməkdaşı Patrisiya Yeşkenin qətlə yetirilməsinə görə "Çillikote"' islah mərkəzində keçirib. 

 

Hemmenin təqsirinin yeganə sübutu bunu səmimi etiraf etməsi olub. Bu etirafı o, ruhi xəstəxanada, güclü trankvilizatorların təsiri altında olanda edib. Yönləndirici suallara əsasən qısa cavablar verib.

 

Bu zaman müstəntiqlər bu iş üzrə polis nəfəri Maykl Holmanın günahını göstərən sübutları görməzdən gəlib. Onun avtomobilini qətlə yetirilənin evinin yanında görüblər, evində isə Yeşkenin sırğası aşkar edilib.

 

Kitabxana əməkdaşının qətlini araşdıran polislər bu sübutları Federal Təhqiqatlar Bürosu əməldaşlarına məlumat verməyib.

 

Bu faktlar öyrənildikdən sonra iyunun 14-də hakim Hemmenin vəkillərinin qadının faktiki olaraq günahsız olduğunun dəqiq və inandırıcı sübutlarının təqdim etdiyi barədə qərar verib və hökmü ləğv edib.

 

Lakin Missuri ştatının prokuroru Endyu Beyli Sandra Hemmenin azadlığa buraxılmasının əleyhinə çıxıb.

 

O, bu qərardan əvvəlcə Apellyasiya Məhkəməsinə, daha sonra ştatın Ali Məhkəməsinə şikayət verib. Hər iki apellyasiya rədd edildikdən sonra Beyli Hemmenin saxlanıldığı həbsxanaya zəng edərək onun buraxılmasına sərəncam verib.

 

Dünən bu işlə bağlı növbəti məhkəmə iclası zamanı hakim Rayyan Horsman bəyan edib: əgər Hemme bir neçə saat ərzində azadlığa buraxılmasa, Beylinin özü çərşənbə axşamı səhər məhkəmə qarşısına çıxarılacaq. Horsman Baş Prokururu məhkəməyə hörmətsizliyə görə məsuliyyətə cəlb oluncağı ilə təhdid edib.

 

Rayyan Horsman həmçinin Hemmenin məhkəmənin öz imzasıyla ölkədən getməmək iltizamı ilə azadlığa buraxılması barədə qərar çıxarandan sonra da həbsxana rəisinə zəng edərək onu buraxmamağı əmr etdiyinə görə tənqid edib.

 

"Mən Sizə məsləhət görərdim ki, bunu heç vaxt etməyin, - Horsman Baş Prokurora deyib. - Kiməsə zəng edib məhkəmənin qərarını görməzdən gəlməyi xahiş etmək doğru deyil".

 

Endryu Beyli Hemeni azad etməkdən imtina edib və ona təkid edib ki, qadın artıq həbsxanada olarkən törətdiyi digər cinayətlərinə görə cəza çəkməlidir.

 

1984-cü ildə o, zorakılığa təhrik etməyə görə daha iki il, 1996- cı ildə isə ülgüclə həbsxana nəzarətçisinə hücuma görə 10 il azadlıqdan məhrumetmə cəzasına məhkum edilib. Bundan başqa, Beyli hesab edir ki, Sandra həm özü, həm də cəmiyyət üçün təhlükə törədir.

 

Nəhayət, baş prokuror məhkəmənin qərarına tabe olmağa məcbur olub.

 

Azadlığa çıxandan sonra Hemme jurnalistlərlə ünsiyyətdən imtina edib. Onun vəkili deyib ki, qadın böyrək çatışmazlığı ilə xəstəxanaya yerləşdirilən və bu yaxınlarda paliativ yardım şöbəsinə köçürülən atasının yanına yollanmaq niyyətindədir.