BMT-nın Beynəlxalq Məhkəməsi Cənubi Afrika Respublikasının tələbilə əvvəllər Qəzza bölgəsində mümkün soyqırım barədə iddiaya baxılması ilə əlaqədar olaraq çıxarılan orderlərin "modifikasiyası" barədə qərar çıxarıb.

 

Moderator.az xəbər verir ki, bu barədə "vesty.co.il" nəşri məlumat verib.

 

CAR-ın iddiasına baxan BMT-nin Beynəlxalq Məhkəməsi tərkibinin 15 üzvündən 13-nün qərarı ilə mümkün soyqırımın qarşısının alınması üzrə təlminedici tədbir kimi İsrailin üzərinə aşağıdakı öhdəliklər qoyulub:

 

- Rafah regionunda Qəzzada yaşayan Fələstin əhalisinə onun tam və ya qismən fiziki məhvinə gətirib çıxara biləcək həyat şəraitləri yarada biləcək hərbi və istənilən digər hərəkətlərə son qoymaq;

 

- Təcili surətdə həyatı əhəmiyyətli əsas xidmətlərin maneəsiz həyata keçirilməsi və humanitar yardımın zəruri həcmdə çatdırılması üçün "Rafah" nəzarət-keçid məntəqəsini açıq saxlamaq;

 

- BMT-nin səlahiyyətli orqanları tərəfindən soyqırım iddialarının tədqiqatını aparmaq vəkil edilmiş faktların müəyyən edilməsi üzrə istənilən komissiyanın və ya digər istintaq orqanının Qəzza bölgəsinə maneəsiz çıxışı üçün təsirli tədbirlər görmək;

 

- İsrail dövləti bu orderin icrası üçün görülən bütün tədbirlər haqqında bu orderin tarixindən bir ay müddətində məhkəməyə hesabat verməyə borcludur.

 

Məhkəmə tərkibinin iki iştirakçısı bu təminedici tədbirlərə qarşı çıxıb, bunlar İsrailin nümayəndəsi, hakim Aaron Barak və məhkəmə sədrinin müavini, Uqanda hüquqşünası Culiya Sebutindedir.

 

Xəbər verildiyi kimi, BMT-nin Beynəlxalq Məhkəməsinin qərarları prinsipcə bu təşkilatın üzvləri üçün mütləqdir. 

 

Bununla birlikdə müharibə və ölkələr üçün digər mühüm məsələlərdə onlar təbii ki, ilk növbədə bu orqanın hökmlərini deyil, öz qanunları və maraqlarını rəhbər tutur.

 

Belə ki, BMT-nin Beynəlxalq Məhkəməsi hələ 2022-ci ildə Ukraynada döyüş əməliyyatlarının dərhal dayandırılması və Rusiya qoşunlarının çıxarılması barədə qərar çıxarsa da, Rusiya bunu tamamilə görməzdən gəlib.

 

Məhkəmənin özünün öz qərarlarının icrasını təmin etmək üçün heç bir imkanı yoxdur . Lakin məhkəmə BMT Təhlükəsizlik Şurasında bunun təmin edilməsi məsələsini qaldıra bilər. 

 

Bununla birlikdə Qəzzadakı vəziyyət BMT Təhlükəsizlik Şurası tərəfindən dəfələrlə müzakirə edilib, bundan sonra İsrailə qarşı yeni qərarlar çətin ki, qəbul edilsin.

 

Bununla birlikdə BMT-nin Beynəlxalq Məhkəməsinin qərarı  İsrail əleyhinə ovqatda olan ölkə və qurumların İsrailə qarşı müxtəlif siyasi demarşlara və sanksiyalara impuls ola bilər.

 

İlk növbədə bu, hakimiyyətdə sol sosialist rejimlərinin olduğu Avropa ölkələridir.

 

BMT-nin Beynəlxalq Məhkəməsinin qərarı ilə bağlı baş nazir Binyamin Netanyahu ədliyyə naziri Yariv Levin, XİN rəhbəri İsrael Kats, müdafiə naziri Yoav Qalant və ali hökumət məmurlarının iştirakı ilə telefon müşavirəsi keçirib.