Mərakeşin nəzarət etdiyi Səmara şəhərində partlayışlar olub, ölən və yaralananlar var

Şənbə günü axşam Mərakeşin nəzarət etdiyi mübahisəli Qərbi Böyük Səhranın Səmara şəhərində baş verən dörd partlayış nəticəsində bir nəfər ölüb, üç nəfər yaralanıb.

Bu barədə yerli orqanlar bildirib.

Partlayış nəticəsində iki evə ziyan dəyib, təfərrüatlar verilməyib.

Agentlik xatırladıb ki, Mərakeş Qərbi Böyük Səhranı öz ərazisi hesab etsə də, Əlcəzairin dəstəklədiyi POLISARIO Cəbhəsi orada müstəqil dövlət yaratmaq niyyətindədir.

2020-ci ilin noyabrında POLISARIO silahlı mübarizəni bərpa etdiyini açıqlayıb.

Döyüşlərin əksəriyyəti BMT tərəfindən “aşağı intensivlik” kimi təsvir edilib və əsasən Mərakeşin tikdiyi təhlükəsizlik divarının yaşayış olmayan şərq hissəsində baş verib.

Mərakeş muxtariyyətin siyasi həll yolu kimi əraziyə təklif edə biləcəyi ən çox şey olduğunu söyləyib. POLISARIO və onun müttəfiqi Əlcəzair isə müstəqil dövlətdən yanadır.

BMT Təhlükəsizlik Şurası münaqişə tərəflərini qarşılıqlı məqbul həll yolu axtarmağa çağırıb. İsrail iyul ayında Mərakeşin ərazi üzərində suverenliyini tanıyan sonuncu ölkə olub, ABŞ 2020-ci ildə bu addımı atıb.