Türkiyənin yerli ballistik raketi olan “Tayfun”un ikinci sınaq atışı Rizə-Artvin hava limanından uğurla həyata keçirilib.
Bu barədə Türkiyə Prezident Administrasiyasının Müdafiə Sənayesi İdarəsinin rəhbəri İsmail Demir öz “Twitter” hesabında paylaşım edib.
“Tayfun raketimizin yeni sınaq atışını uğurlu şəkildə həyata keçirdik. Başda “Roketsan” olmaqla bu işdə əməyi olan hər kəsi təbrik edirəm”, - deyə paylaşımda qeyd edilib.
Xatırladaq ki, “Roketsan” şirkəti tərəfindən hazırlanan “Tayfun”un ilk sınaq atışı 18 oktyabr 2022-ci ildə baş tutub.
