"Üçüncü dünya müharibəsi artıq başlayıb - ABŞ-ın məqsədi nədir?" - "Bunshun" (Yaponiya)

ABŞ qlobal hegemonluğunu qorumaq üçün yeni münaqişələri alovlandırır

Fransalı tarixçi və sosioloq Emmanuel Todd iddia edir ki, Üçüncü dünya müharibəsi artıq başlayıb və onun iki əsas cəbhəsi Ukrayna ilə İrandır. 

Moderator.az xəbər verir ki, bu barədə Yaponiyanın "Bunshun" nəşrində dərc olunan məqalədə deyilir.

Müəllifin fikrincə, bu münaqişələr bir-biri ilə sıx bağlıdır və ABŞ qlobal hegemonluğunu qorumaq üçün onları davam etdirməyə çalışır. O hesab edir ki, Vaşinqton bu məqsəd naminə hətta öz müttəfiqlərinin maraqlarını belə ikinci plana keçirə bilər.

"Ukrayna və İran eyni qarşıdurmanın iki cəbhəsidir"

Toddun fikrincə, Ukraynadakı müharibə və İran ətrafında baş verən hadisələr ayrı-ayrı münaqişələr deyil, vahid geosiyasi qarşıdurmanın hissələridir. O bildirir ki, ABŞ Ukraynada Rusiya ilə dolayı yolla, Yaxın Şərqdə isə İsrailin dəstəyi ilə İranla birbaşa mübarizə aparır. Müəllif həmçinin ABŞ-də İranla bağlı bütün əsas qərarların Vaşinqton tərəfindən verildiyini, İsrailin isə bu siyasətdə həlledici rol oynamadığı qənaətini bölüşür.

"Vaşinqton müttəfiqlərini də riskə atır"

Məqalədə iddia olunur ki, ABŞ-ın siyasəti Avropa, Yaxın Şərq, Yaponiya və Cənubi Koreya kimi müttəfiqlərinin zəifləməsinə səbəb olur. Todd hesab edir ki, Vaşinqtonun əsas məqsədi artıq yalnız Rusiya və Çini cilovlamaq deyil, həm də qlobal üstünlüyünü qorumaq üçün mövcud geosiyasi sistemi öz maraqlarına uyğun saxlamaqdır.

O, Yaponiyanı təhlükəsizlik məsələlərində ABŞ-dan tam asılı siyasətə yenidən baxmağa çağıraraq bildirir ki, "müharibənin qaçılmazlığı" barədə formalaşdırılan təsəvvür ilk növbədə Amerikanın dünyadakı lider mövqeyini qorumağa xidmət edir.